Volkswagen en Ford kondig vennootskap aan wat kan lei tot hul samewerking ten opsigte van ontwikkeling van elektriese en self-bestuur voertuie

Volkswagen en Ford kondig vennootskap aan wat kan lei tot hul samewerking ten opsigte van ontwikkeling van elektriese en self-bestuur voertuie

Die motorvervaardigers, Volkswagen en Ford, het ʼn vennootskap aangekondig wat kan lei tot hul samewerking ten opsigte van die toekomstige ontwikkeling van elektriese en self-bestuur voertuie.

Beide maatskappye sê hulle gaan aanvanklik saamwerk met die ontwikkeling van bakkies en paneelwaens, terwyl die bedryf moet hernu en koste besnoei in ʼn tydperk van wêreldwye ekonomiese onsekerheid.

Ford sê hy verwag nie dat sy kant van die ooreenkoms tot ʼn bykomende verlies aan werksgeleenthede sal lei nie, nadat hy verlede week sy plan aangekondig het om terug te keer na winsgewendheid in Europa.

Die versengende hitte in groot dele van die land is dalk binnekort iets van die verlede met welkome reën wat voorspel word

Die versengende hitte in groot dele van die land is dalk binnekort iets van die verlede met welkome reën wat voorspel word

Die versengende hitte in groot dele van die land is dalk binnekort iets van die verlede met welkome reën wat voorspel word.

Netwerk24 berig dat Musa Mkhwanazi, ’n senior wetenskaplike van die Suid-Afrikaanse Nasionale Weerdiens in Pretoria, sê die kanse op hittegolftoestande sal vir die res van die somer skraler wees omdat die reënvalsyfer na verwagting hoër as verlede jaar sal wees.

Volgens Mkhwanazi word hoër reënvalsyfers vir die res van die somer en herfs in die oostelike helfte van Suid-Afrika, insluitend dele van KwaZulu-Natal, Mpumalanga, Limpopo en Gauteng, verwag.

Die oostelike dele van Noordwes en die Vrystaat kan ook reën verwag.

Volgens die weerdiens sal die huidige hittegolf net tot vandag duur.

Die sentrale dele van die Vrystaat en Noordwes kan vanmiddag reeds donderbuie verwag.

Dit blyk die onderwyseres van die Laerskool Schweizer-Reneke is verkeerdelik deur die onderwysdepartement geskors

Dit blyk die onderwyseres van die Laerskool Schweizer-Reneke is verkeerdelik deur die onderwysdepartement geskors

Dit blyk die onderwyseres van die Laerskool Schweizer-Reneke, Elana Barkhuizen, is verkeerdelik deur die onderwysdepartement geskors vir die rassie-herrie wat verlede week by die skool losgebars het.

Netwerk24 berig sy is verlede week geskors nadat ’n foto, waarop swart en wit leerlinge by aparte tafels sit, ’n rassestorm ontketen het.

Op sosiale media is sy onmiddellik veroordeel vir die klasindeling, maar die onderwysdepartement het intussen bevestig dat dit nie haar klas is nie en dat sy geskors is omdat sy die foto geneem en versprei het.

Solidariteit, wat haar verteenwoordig, het gister in Centurion op ’n mediakonferensie aangekondig dat hy ’n dringende aansoek by die hof gaan indien om haar skorsing op te hef.

ʼn Lid van die SANW verskyn voor die Militêre Geregshof

ʼn Lid van die SANW verskyn voor die Militêre Geregshof

ʼn Adjudant-offisier van die Suid-Afrikaanse Nasionale Weermag verskyn vandag voor die Militêre Geregshof in Pretoria.

Hy is in hegtenis geneem tydens ’n geheime operasie deur die Militêre Polisie en Weermag Intelligensie gemik op ʼn swendelary met poste en bedrog.

Die SANW het ʼn wenk ontvang van beweerde bedrogslagoffers in Tshwane.

Die Weermag sê in ʼn verklaring dat geen korrupte bedrywighede deur enige lid, ongeag die rang, geduld sal word nie.

Die geweld in Zimbabwe lei tot lewensverlies

Die geweld in Zimbabwe lei tot lewensverlies

In Zimbabwe die minister van Nasionale Sekerheid, Owen Ncube, sê dat die betogings in Harare en Bulawayo reeds lewens geëis het.

Hy het egter nie getalle genoem nie.

Gewelddadige betogings het uitgebreek, nadat die regering die brandstofpryse meer as verdubbel het.

Daar is bewerings dat die polisie met skerp-punt ammunisie op die betogers geskiet het.

Meer as 200 mense is in hegtenis geneem in verband met die geweld en verskeie mense, insluitend polisiebeamptes, is beseer.

Te midde van die krisis in sy land, het president Emmerson Mnangagwa in Moskou aangeland vir die eerste skof van sy Oos-Europese toer.

Hy is op ʼn sending om die bilaterale en ekonomiese samewerking met Rusland, Belarus, Azerbeidjan en Kasakstan te versterk.

Na verwagting gaan Mnangagwa Zimbabwe se sakegeleenthede bemark aan die Russiese Federasie se Sakekamer en sy ampsgenoot, Vladimir Putin, ontmoet.

Die Wes-Kaapse regering sê alle dorpe in die provinsie het steeds drinkwater

Die Wes-Kaapse regering sê alle dorpe in die provinsie het steeds drinkwater

Die Wes-Kaapse regering sê hy sal teen Maart bykans R80 miljoen bestee het aan droogteverligting.

Dit volg met die damvlak in die provinsie wat op 51% staan.

Tussen 2015 en laasjaar het die provinsie ʼn ondergemiddelde reënval gehad wat die ergste droogte sedert 1904 tot gevolg gehad het.

Die woordvoerder vir Plaaslike Regering, James-Brent Styan, sê die omstandighede in die Karoo is steeds ernstig, maar tot dusver het nog nie een van die dorpe se drinkwater opgeraak nie.

Danny Jordaan in die kollig oor Guptas se betrokkenheid in Suid-Afrikaanse sokker

Danny Jordaan in die kollig oor Guptas se betrokkenheid in Suid-Afrikaanse sokker

Die voormalige uitvoerende hoof van die Suid-Afrikaanse Sokkervereniging beweer dat die president van Safa, Danny Jordaan, die Gupta-gesin genader het om ʼn tekort van 138-miljoen Rand in die liggaam se boeke toe te smeer.

Die tekort was glo die gevolg van ʼn onwettige betaling aan ʼn amptenaar van die wêreldliggaam, Fifa, om die 2010 Wêreldbekertoernooi vir Suid-Afrika te bevestig.

CityPress berig dat die bewering bevat is in ʼn beëdigde verklaring deur Leslie Sedibe wat strafregtelike klagtes ingedien het teen Jordaan en Fifa se voormalige sekretaris-generaal, Jérôme Valcke.

Die RPO sê die uitbreking van bek-en-klouseer in kan meebring dat die prys van bees-, skaap- en varkvleis effens daal

Die RPO sê die uitbreking van bek-en-klouseer in kan meebring dat die prys van bees-, skaap- en varkvleis effens daal

Die Rooivleisprodusente-organisasie sê die uitbreking van bek-en-klouseer in die Vhembe-distrik van Limpopo kan meebring dat die prys van bees-, skaap- en varkvleis effens kan daal.

Die regering het `n taakspan aangestel om die siekte te bekamp nadat bykans 50 beeste positief getoets het vir die siekte.

Namibië, Botswana en eSwatini het die invoer van diere met gesplete hoewe uit Suid-Afrika opgeskort.

Bettysbaai-brand: Die beskuldigde bly vir eers in aanhouding

Bettysbaai-brand: Die beskuldigde bly vir eers in aanhouding

Die beskuldigde in die dodelike Bettysbaai-brand in die Wes-Kaapse Overberg-gebied, sal in aanhouding bly tot sy volgende hofverskyning volgende
Woensdag.

Die 34-jarige Shelton April het gister vir ʼn borgtogaansoek in die Caledonse Landdroshof verskyn, maar die saak is uitgestel en verskuif na die Streekshof.

Hy is in hegtenis geneem nadat hy na bewering op Oujaarsaand ʼn ligfakkel afgevuur het wat die brand laat ontstaan het, wat tientalle huise en duisende hektaar plantegroei verwoes het.

ʼn Vrou het ook omgekom aan rookinaseming.

Energiekenner sê Eskom se voorgestelde tariefverhoging is voortydig

Energiekenner sê Eskom se voorgestelde tariefverhoging is voortydig

‘n Kenner van die energiesektor, Ted Blom, het Eskom se voorgestelde tariefverhoging van 15% vir die volgende drie jaar gekritiseer en sê dit is
voortydig.

Die energiereguleerder Nersa het gister in Kaapstad begin met openbare sittings oor `n moontlike verhoging en sal dit vandag voortsit.

Eskom se skuld beloop tans R419-miljard.

Blom sê ‘n aantal aspekte moet oorweeg word voordat Eskom ‘n versoek kan indien vir ‘n driejaarverhoging.