Die Gautengse LUR vir sport, kuns, kultuur en ontspanning moet haar uitlatings aan haar bestuurders oor sportgeriewe aan die Menseregte Kommissie verduidelik

Die Gautengse LUR vir sport, kuns, kultuur en ontspanning moet haar uitlatings aan haar bestuurders oor sportgeriewe aan die Menseregte Kommissie verduidelik

Die Gautengse LUR vir sport, kuns, kultuur en ontspanning, Faith Mazibuko, sal vandag haar uitlatings aan haar bestuurders oor sportgeriewe aan die Menseregte Kommissie moet verduidelik.

Mazibuko het volgens `n klankopname in Maart teen die bestuurders uitgevaar en neerhalende opmerkings gemaak omdat die sportgeriewe
nie voltooi was nie en sy dit in haar verkiesingsveldtog wou gebruik.

Sy het intussen om verskoning gevra vir haar uitlatings aan die twee vroue-bestuurders.

Die kommissie wil hê Mazibuko moet verduidelik wat sy met haar uitlatings bedoel het.

Swaar vonnisse verwelkom wat opgelê is aan 4 mans vir plaasaanval

Die Valke in die Oos-Kaap het die swaar vonnisse verwelkom wat opgelê is aan vier mans vir ʼn plaasaanval naby Aberdeen twee jaar gelede.

Lwandile Aseni, Floyd Nkohla, Zwelakhe Mguzulwa en Freddie Jaxa is almal tot 25 jaar direkte gevangenisstraf gevonnis in die Hooggeregshof op Makhanda.

Hulle het in Maart 2017 die Makhatees-plaas betree, die 45-jarige plaaseienaar geskiet en sy tienerseun met ʼn pyp aangerand.

Die 14-jarige het teruggeveg en die aanvallers het gevlug sonder om iets te steel.

ʼn Man sal na verwagting môre in die hof op Modimolle in Limpopo verskyn in verband met misdade teen diere. Die man is gister in hegtenis geneem in verband met ʼn klagte oor hondegevegte. Die DBV het 22 vasgekettingde honde, twee varke en ʼn skilpad op sy eiendom gevind. Die diere is na ʼn rehabilitasiesentrum in Johannesburg geneem en hoewel ʼn paar uitgesit moes word, gaan dit goed met die meeste van hulle

ʼn Man sal na verwagting môre in die hof op Modimolle in Limpopo verskyn in verband met misdade teen diere

ʼn Man sal na verwagting môre in die hof op Modimolle in Limpopo verskyn in verband met misdade teen diere.

Die man is gister in hegtenis geneem in verband met ʼn klagte oor hondegevegte.

Die DBV het 22 vasgekettingde honde, twee varke en ʼn skilpad op sy eiendom gevind.

Die diere is na ʼn rehabilitasiesentrum in Johannesburg geneem en hoewel ʼn paar uitgesit moes word, gaan dit goed met die meeste van hulle.

Die Franse president, Emmanuel Macron het onderneem dat die Notre Dame-katedraal in Parys herbou sal word

Die Franse president, Emmanuel Macron het onderneem dat die Notre Dame-katedraal in Parys herbou sal word

Die Franse president, Emmanuel Macron het onderneem dat die Notre Dame-katedraal in Parys herbou sal word.

Dit volg nadat ‘n brand gisteraand die dak van die 850-jaar oue katedraal vernietig en groot skade aangerig het.

Sowat 400 brandbestryders het deur die nag gewerk om die die brand te blus, en het vroeg vanoggend aangekondig dat die brand na sowat nege ure onder beheer is.

Een brandbestryder is beseer.

Die brandweerhoof in Parys sê die hoofstruktuur en twee torings van die katedraal is gered.

Macron het ‘n beplande beleidstoespraak gekanselleer om die toneel van die brand te besoek, en het gesê die Notre Dame is ‘n katedraal vir alle Franse burgers, of hulle godsdienstig is of nie.

Die Franse miljardêr Francois-Henri Pinault het reeds 100 miljoen euros beloof om die katedraal te herbou.

Corruption Watch sê die bevindings van die Seriti Kommissie van Ondersoek is nie geloofwaardig nie

Corruption Watch sê die bevindings van die Seriti Kommissie van Ondersoek is nie geloofwaardig nie

Die organisasie, Corruption Watch, sê die bevindings van die Seriti Kommissie van Ondersoek is nie geloofwaardig nie.

Die kommissie het bevind dat daar geen korrupsie was tydens 1999 se wapentransaksie nie.

Corruption Watch het saam met die Right to Know-veldtog ʼn hersieningsaansoek ingedien en aangevoer dat regter Willie Seriti verkeerd was in sy aanname dat daar geen ongerymdhede was nie.

President Cyril Ramaphosa het gesê dat hy nie dié aansoek sal teenstaan nie.

Corruption Watch se David Lewis sê die kommissie het fouteer.

Adjunkhoofregter Zondo kan vandag sy besluit bekend maak oor of Tom Moyane die minister van openbare ondernemings, Pravin Gordhan, mag kruisondervra

Adjunkhoofregter Zondo kan vandag sy besluit bekend maak oor of Tom Moyane die minister van openbare ondernemings, Pravin Gordhan, mag kruisondervra

Adjunkhoofregter Raymond Zondo sal na verwagting vandag sy besluit bekend maak oor of die voormalige hoof van die Inkomstediens, Tom Moyane, die minister van openbare ondernemings, Pravin Gordhan, mag kruisondervra.

Moyane het verlede maand by die Kommissie van Ondersoek na Staatskaping aansoek gedoen om Gordhan te kruisondervra oor hoe Moyane as die kommissaris van die Inkosmtediens aangestel is.

Gordhan het die aansoek teengestaan omdat Moyane volgens hom ‘n openbare platform soek om mense by te kom wat hom in ‘n slegte lig stel.

Die voormalige hoof van die Onafhanklike Polisie-ondersoekdirektoraat, Robert McBride sal intussen vandag sy getuienis voortsit.

Die parlement se Portefeuljekomitee oor Kommunikasie gaan van vandag af onderhoude voer met kandidate wat op die SAUK-raad wil dien

Die SAUK het sy bevindinge en aanbevelings oor die tugverhoor van die bedryfshoof, Chris Moruleng, aan die openbare uitsaaier se nuwe raad oorhandig

Die SAUK het sy bevindinge en aanbevelings oor die tugverhoor van die bedryfshoof, Chris Moruleng, aan die openbare uitsaaier se nuwe raad oorhandig.

Moruleng se toekoms by die SAUK is in die weegskaal nadat hy verlede week skuldig bevind is aan drie ernstige aanklagte, wat tot sy afdanking kan lei.

Daar is verlede jaar begin met Maroleng se ‘n tugverhoor, wat onafhanklik hanteer is.

Die SAUK se woordvoerder, Vuyo Mthembu, sê die saak sal nie die korporasie se daaglikse take beïnvloed nie.

Ace Magashule sê hy steur hom nie aan die DA se besluit om 'n klag te lê by die Verkiesingskommissie nie

Ace Magashule sê hy steur hom nie aan die DA se besluit om ‘n klag te lê by die Verkiesingskommissie nie

Die sekretaris-generaal van die ANC, Ace Magashule, sê hy steur hom nie aan die DA se besluit om ‘n klag te lê by die Verkiesingskommissie nie.

Magashule het glo R400 aan ‘n vrou gegee as deel van sy deur-tot-deur veldtog die naweek in Phillipi op die Kaapse Vlakte.

Magashule sê dit is nie stemkopery om geld te gee aan diegene wat nie kos het nie.

Die DA het gevra dat die Verkiesingskommissie moet ondersoek instel of Magashule se optrede ‘n skending van die Kieswet was.

Indien Magashule skuldig bevind word, kan hy ‘n formele waarskuwing of ‘n boete van tot R200 000 opgelê word.

Die voormalige hoof van OPOD, Robert McBride, sal vandag voortgaan met sy getuienis voor die kommissie van ondersoek na staatskaping

Die voormalige hoof van OPOD, Robert McBride, sal vandag voortgaan met sy getuienis voor die kommissie van ondersoek na staatskaping

Die voormalige hoof van die Onafhanklike Polisie-ondersoekdirektoraat, Robert McBride, sal vandag voortgaan met sy getuienis voor die kommissie van ondersoek na staatskaping in Parktown in Johannesburg.

McBride het Vrydag getuig dat twee senior OPOD-beamptes geskors is weens druk van die voormalige Minister van Polisie, Nathi Nhleko.

McBride sê nadat hy geskors is, is twee van sy medewerkers deur die waarnemende OPOD-hoof Israel Kgamanyane geskors, in opdrag van Nhleko.

Die kommissie se regspan is besig om ander getuies te identifiseer en te raadpleeg wat oor die volgende paar weke gevra gaan word om voor die kommissie te getuig.

Die departement van Energie sê die projek "Wind-atlas vir Suid-Afrika", WASA, is een van die land se belangrikste projekte om hernubare energie op te wek

Die departement van Energie sê die projek “Wind-atlas vir Suid-Afrika”, WASA, is een van die land se belangrikste projekte om hernubare energie op te wek

Die departement van Energie sê die projek “Wind-atlas vir Suid-Afrika”, WASA, is een van die land se belangrikste projekte om hernubare energie op te wek.

Die windatlas-projek is in 2008 ontwikkel om te bepaal of energie vir die nasionale netwerk deur middel van wind opgewek kan word.

Die waarnemende adjunk-direkteur-generaal vir die departement se afdeling Skoon Energie, Mokgadi Modise, het op ‘n konferensie van WASA in Oos-Londen gesê Suid-Afrika is nou gereed om sy bydrae te lewer tot die opwekking van skoon energie vir die wêreld.