Middag Jol – Onderhoud met Dr Ricardo Peach

Gordhan het aangekondig dat Denel se 3 500 werknemers hulle volle salarisse vir Junie sal ontvang

Die werknemers van Denel en die SAUK het hul volle salarisse vir Junie ontvang, maar is bekommerd oor die toekoms

Die werknemers van Denel en die SAUK het hul volle salarisse vir Junie ontvang, maar is bekommerd omdat daar vrese bestaan oor die twee
staatsondernemings se vermoë om dit volgende maand te doen.

Vakbonde het gewaarsku dat hoewel Denel daarin geslaag het om dié maand ʼn lening aan te gaan om die volle salarisse van sy personeel te betaal, die toekoms onseker is.

ʼn Ekonoom van die organisasie, Debt Rescue, Neil Roets, sê dié omstandighede het ʼn rampspoedige uitwerking op die personeel.

Steinhoff Internasionaal wil hê dat sy voormalige hoofbestuurder, Markus Jooste, R850-miljoen moet terugbetaal

Die beleërde internasionale kleinhandelaar, Steinhoff Internasionaal, wil hê dat sy voormalige hoofbestuurder, Markus Jooste, R850-miljoen moet terugbetaal vir sý aandeel aan die boekhoudingskrisis wat daartoe aanleiding gegee het dat die maatskappy amper in duie gestort het.

Volgens hofstukke wat by die Wes-Kaapse Hooggeregshof ingedien is, is dié geld sedert 2009 oor verskeie jare aan Jooste betaal in die vorm van salarisse, bonusse en ander aansporingsmiddels.

Moneyweb berig dat Steinhoff se voormalige finansiële hoof, Ben la Grange, ook gedagvaar word vir nagenoeg R271-miljoen as deel van dieselfde geding.

Eskom se ontbondeling sal voortgaan

Die minister van Openbare Ondernemings, Pravin Gordhan, het aangekondig dat die ontbondeling van Eskom sal voortgaan.

Hy het dié aankondiging gedoen tydens die Parlement se debat oor president Cyril Ramaphosa se staatsrede.

Gordhan sê die idee om die elektrisiteitsvoorsiener te hervorm in drie afsonderlike afdelings word gegrond op internasionale tendense en ʼn studie wat deur Eskom self uitgevoer is.

Die lyk van hengelaar, Bradley Coetzee, is gevind

Die lyk van hengelaar, Bradley Coetzee, is gevind

Die lyk van Bradley Coetzee, wat vroeër die maand by die Vaaldam vermis geraak het is gevind.

Coetzee, van Johannesburg, het op 6de Junie verdwyn toe hy saam met sy werkgewer, Hendrik Schoeman, in Oranjeville by De Bank gaan visvang het.

Polisiewoordvoerder, Peter Kareli, sê dat Coetzee se lyk gister omstreeks 11:00 gevind is, ʼn ent van die twee mans se kampeerplek.

Die CWU gaan vandag met Multichoice vergader

Die CWU gaan vandag met Multichoice vergader

Die kommunikasievakbond – die CWU -gaan vandag met Multichoice vergader oor die beplande aflegging van meer as 2000 werkers.

Personeel by Multichoice se klantediens- en inbelsentrums sal oorwegend geraak word.

Die hoofsekretaris van die CWU, Aubrey Tshabalala, sê hulle wil verseker dat alles moontlik gedoen word om dié personeel te behou.

Multichoice het vroeër gesê die afleggings is grootliks weens ekonomiese oorwegings en tegnologie wat klante in staat stel om self hulle probleme op die aanlynplatform op te los.

Gordhan het aangekondig dat Denel se 3 500 werknemers hulle volle salarisse vir Junie sal ontvang

Gordhan het aangekondig dat Denel se 3 500 werknemers hulle volle salarisse vir Junie sal ontvang

Die Minister van Openbare Ondernemings, Pravin Gordhan, het aangekondig dat Denel se 3 500 werknemers hulle volle salarisse vir Junie sal ontvang, nadat die staat se wapenvervaardiger deur ʼn geldlener te hulp gesnel is.

Dit volg nadat dit aan die lig gekom het dat Denel as gevolg van ʼn kontanttekort slegs 85% van sy salarisse kon betaal.

Johan Botha van die vakbond Solidariteit het vroeër sy stem gevoeg by die Bevryde Metaalwerkersunie van Suid-Afrika wat kommer uitgespreek
het oor Denel se onvermoë om volle salarisse te betaal.

Inbreker wat by ʼn kerk wou steel verloor amper sy neus

ʼn Man wat glo by ʼn kerk in Qwaqwa wou inbreek, het ʼn deel van sy neus verloor nadat ʼn veiligheidswag ʼn stuk daarvan afgebyt het.

Polisiewoordvoerder, Mmako Mophiring, sê die twee mans het Saterdag omtrent 03:00 by die kerk probeer inbreek en een van hulle het die veiligheidswag gekonfronteer.

Die het gereageer deur ‘n stuk van sy neus af te byt.