Christine Lagarde het haar bedanking by die Internasionale Monetêre Fonds, aangekondig, kort voor daar gestem word oor die pos by die Europese Sentrale Bank

Die besturende direkteur van die Internasionale Monetêre Fonds, Christine Lagarde, het haar bedanking aangekondig, enkele ure voordat daar gestem sal word oor haar benoeming as hoof van die Europese Sentrale Bank.

Sy is van plan om die IMF op 12 September te verlaat.

Volgens BBC News, is dié voormalige Franse minister sedert 2011 hoof van die IMF.

Indien haar benoeming vir die Europese bank goedgekeur word, sal sy die eerste vrou aan die hoof van die bank wees en verantwoordelik wees vir die euro en die monetêre beleid van die Europese Unie.

Bloemwater het laat gisteraand sy waterlewering aan die Mangaung-metro ten volle begin herstel

Bloemwater het laat gisteraand sy waterlewering aan die Mangaung-metro ten volle begin herstel

Bloemwater het laat gisteraand sy waterlewering aan die Mangaung-metro ten volle begin herstel.

Netwerk24 berig dit volg nadat regter Joseph Mhlambi gister in die hooggeregshof in Bloemfontein so beslis het toe hy ’n tussentydse bevel bekragtig
het in die saak tussen die Mangaung-metro en Bloemwater.

Volgens die bevel is die kennisgewing van drie dae deur Bloemwater dat hy sy waterlewering na die metro tot slegs 30% gaan verminder, onbillik.

Die metro het in ’n dringende aansoek om verligting gevra omdat Bloemwater sy waterlewering Maandag tot net 30% van die volle kwota aan die metro verminder het.

Bloemwater sê in hofstukke dat die metro hom steeds R419 miljoen skuld, nadat nagenoeg R200 miljoen al vroeër vanjaar ná ’n mediasie-gesprek met die nasionale tesourie in Pretoria afgeskryf is.

Die hof sal op 29 Augustus beslis of die tussentydse bevel ’n finale hofbevel gemaak moet word.

EFF se ontwrigting van minister Pravin Gordhan se begrotingsrede, na die subkomitee oor die Fisiese Verwydering van Lede uit die Huis verwys

EFF se ontwrigting van minister Pravin Gordhan se begrotingsrede, na die subkomitee oor die Fisiese Verwydering van Lede uit die Huis verwys

Die Speaker van die Nasionale Vergadering, Thandi Modise, het die verslag oor die ontwrigting deur parlementslede van die EFF tydens minister Pravin Gordhan se begrotingsrede, na die subkomitee oor die Fisiese Verwydering van Lede uit die Huis verwys.

Dit volg nadat sy ʼn voorligting oor verlede week se voorval ontvang het.

Die Parlement sê die komitee moet binne tien dae verslag doen oor sy bevindings aan die Reëlskomitee waarna dié komitee gepaste optrede moet bepaal.

Die petrolprys sal Woensdag opskiet met tussen R1,31 en R1,34 sent per liter in Gauteng, afhangend van die oktaanvlak

Die feit dat die rand in Julie onder R14 teen die dollar verhandel het, versterk die hoop op goedkoper diesel in Augustus

Die feit dat die rand in Julie onder R14 teen die dollar verhandel het, versterk die hoop op goedkoper diesel in Augustus.

Die woordvoerder van die Outomobiel Assosiasie oftewel die AA-, Layton Beard, verwag dat die petrolprys volgende maand sewe sent duurder kan wees, maar dat diesel en paraffien teen 14 sent goedkoper kan verhandel.

Beard sê egter dié syfers kan moontlik teen die einde van die maand verander, en dat die styging in die rand ‘n stukkie goeie nuus is.

Die Mangaung Metro skuld Bloemwater miljoene in agterstallige waterskuld

Die Mangaung Metro skuld Bloemwater miljoene in agterstallige waterskuld

Die Mangaung-metro se skuld aan Bloemwater beloop niks minder nie as R419 miljoen en daarom is waterlewering met 30% deur die waterverskaffer ingeperk.

Netwerk24 berig volgens die DA se waterkenner, Rossouw Botes, sal Patricia Kopane, leier van die DA in die Vrystaat, en Leon Basson, DA-LP en woordvoerder oor water en sanitasie, dr. Lindiwe Sisulu, nasionale minister van water en sanitasie, vandag spreek oor die voortslepende waterkrisis in Mangaung.

Volgens Botes het die metro in Februarie, Maart, April en Junie geen betalings gemaak nie, terwyl daar ook nog ou skuld is wat gedelg moet word.

Intussen is inwoners woedend omdat dit gister die 36ste dag in 15 maande is dat hulle veral in die suide van Bloemfontein geen water het nie.

President Ramaphosa het vir ʼn dringende bevel by die Hooggeregshof in Pretoria aansoek gedoen om die tugstappe teen Pravin Gordhan te keer

President Ramaphosa het vir ʼn dringende bevel by die Hooggeregshof in Pretoria aansoek gedoen om die tugstappe teen Pravin Gordhan te keer

President Cyril Ramaphosa het vir ʼn dringende bevel by die Hooggeregshof in Pretoria aansoek gedoen om die tugstappe van die Openbare Beskermer, Busisiwe Mkhwebane, teen Pravin Gordhan te keer.

Ramaphosa voer aan dat die Minister van Openbare Ondernemings se regstappe teen die eerste twee ongunstige verslae teen hom nie “ligsinnig” is nie.

Die president wil hê dat die hof moet verklaar dat hy inderdaad Mkhwebane se tugstappe uitgevoer het, maar dat Gordhan se hofaansoek afgehandel moet word voordat daar stappe teen hom oorweeg word.

Die Departement van Gesondheid sê die Nasionale Gesondheidsversekeringskema sal slegs werk indien die gesondheidsorgstelsel na behore funksioneer

Die Departement van Gesondheid sê die Nasionale Gesondheidsversekeringskema sal slegs werk indien die gesondheidsorgstelsel na behore funksioneer

Die Departement van Gesondheid stem ten volle saam dat die Nasionale Gesondheidsversekeringskema slegs sal werk indien die gesondheidsorgstelsel na behore funksioneer.

Die NVG Wetsontwerp, soos deur die kabinet goedgekeur, stel ʼn enkele staatsbeheerde mediese fonds voor wat gesondheidsdienste namens alle pasiënte vanaf openbare en privaat diensverskaffers aankoop.

Om die diens van stapel te stuur sal die gesondheidsbegroting van 202-miljard Rand na verwagting met 30-miljard Rand verhoog word.

Die departement se adjunkdirekteur-generaal, Anban Pillay, sê die NVG sal werk vir die land.

Die SAUK het berigte verwerp dat hy 30% van sy personeel gaan afdank

Die SAUK het berigte verwerp dat hy 30% van sy personeel gaan afdank

Die SAUK het mediaberigte verwerp dat hy beplan om 30% van sy personeel af te dank.

Volgens berigte beplan die openbare uitsaaier om vyf van sy kantore te sluit.

Die SAUK se omdraaistrategie is deur die Nasionale Tesourie verwerp toe hy vir ʼn reddingsboei van 3,2-miljard Rand vanaf die regering aansoek
gedoen het.

Die woordvoerder van die SAUK, Vuyo Mthembu, sê hulle het nie enige nuwe planne om van personeel ontslae te raak nie.

Die dag van rekenskap oor sy betrokkenheid by staatskaping het vir oudpres. Jacob Zuma aangebreek

Die dag van rekenskap oor sy betrokkenheid by staatskaping het vir oudpres. Jacob Zuma aangebreek

Die dag van rekenskap oor sy betrokkenheid by staatskaping het vir oudpres. Jacob Zuma aangebreek.

Netwerk24 berig dat Zuma vandag by die Zondo-kommissie oor sy rol in staatskaping begin getuig.

Zuma word gesien as ‘n sentrale figuur in die ondersoek na staatskaping, aangesien dit tydens sy termyn as president beplan, uitgevoer en bykans afgehandel is.

Die kommissie het vroeër bevestig dat Zuma van vandag af die verrigtinge sal bywoon om hom die geleentheid te bied om te reageer op bewerings teen hom.

Zuma het ingestem om vir tot vyf dae in die komende week die kommissie se verrigtinge by te woon, maar dit is nog nie duidelik of hy sy samewerking sal gee vir enige kruisondervraging nie.

Bloemfonteiners se watertoevoer behoort stelselmatig te herstel nadat die Mangaung-metro ‘n betaling op sy agterstallige skuld aan Bloemwater gemaak het

Bloemfonteiners kan vir ‘n onbepaalde tydperk weer waterbeperkings ervaar, wat hierdie keer reg voor die deur van die Mangaung-metro gelê kan word

Bloemfonteiners kan vir ‘n onbepaalde tydperk weer waterbeperkings ervaar, wat hierdie keer reg voor die deur van die Mangaung-metro gelê kan word.

Die waterverskaffer, Bloemwater, sê in ‘n verklaring dat waterbeperkings van vandag af geld omdat die metro nie ‘n betalingsooreenkoms vir agterstallige waterrekenings eerbiedig het nie.

Die Nasionale Tesourie het in ‘n mediasie-proses tussen die metro en Bloemwater bepaal dat die metro fouteer het deur nie laasgenoemde gereeld te
betaal vir waterlewering nie.

Die tesourie het in Februarie vanjaar beslis dat die metro 12 maande se agterstallige watergelde vanaf Mei-maand aan Bloemwater moet betaal,
maar dat die rente daarop afgeskryf word.

Bloemwater het daartoe ingestem, maar die metro het nie betaal nie.

Die DA se waterkenner, Rossouw Botes, het intussen bevestig dat Bloemwater se verklaring eg is, maar kan nog nie bekendmaak wat die presiese bedrag is wat deur die metro betaal moet word nie.

Volgens Botes word die kwessie op provinsiale sowel as nasionale vlak as uiters ernstig beskou en is daar noodvergaderings vir vandag belê.

Bloemwater sê intussen dat waterlewering ingeperk sal word ingevolge seksie 4(5) van die waterleweringswetgewing van 1997.

Dit beteken dat waterlewering met tot 30% ingeperk kan word.

Bloemwater sê die metro se gebrek aan betaling beteken dat nodige chemikalieë nie aangekoop kan word nie, terwyl Eskom ook nie vir kraglewering betaal kan word wat gebruik word vir watersuiwering nie.