Struwelinge oor nuwe Mangaung-Metropolisie

Daar was groot struwelinge oor die ANC-beheerde metro raad wat binne die volgende vyf jaar ‘n Mangaung-Metropolisie in Bloemfontein tot stand wil bring ter waarde van R253 miljoen.

Netwerk24 berig dit sluit in die adjunkhoof, senior offisiere, bykomende assistente en sekretaresse.

Daar moet ook voorsiening gemaak word vir range, wapens en ‘n munisipale hof.

Opposisie raadslede het op die begrotingsvergadering Dinsdag gesê die Metropolisie is onbekostigbaar.

Intussen kry brigadier Israel Kgamanyane die afgelope vier jaar ‘n salaris van tussen R1,3 en R1,8 miljoen per jaar as hoof van die Metropolisie wat nog nie bestaan nie en intussen is ‘n Casspir voertuig ook ten duurste aangekoop.

Die Bram Fischer Internasionale lughawe kan van Maandag af weer binnelandse vlugte ontvang

Volgens Netwerk24 sal die Bram Fischer Internasionale lughawe in Bloemfontein van Maandag af weer binnelandse vlugte ontvang.

Dit kom nadat lughawens in onder meer Bloemfontein, Upington en Port Elizabeth ingevolge die aangepaste maatreëls van vlak 3 van die nasionale inperking goedkeuring gekry het om hulle deure oop te maak.

Volgens Esmaralda Barnes, bestuurder van die Bram Fischer lughawe, word net die nodigste personeel op die perseel toegelaat.

Volgens Barnes het die lughawe tydens die inperking lugbeweging gehad omdat dit oop was vir noodsaaklike dienste en repatriasievlugte.

Die Parkweg-polisiestasie in Bloemfontein is pas ontruim nadat een van die werknemers daar glo positief getoets het vir die corona-virus

Die Parkweg-polisiestasie in Bloemfontein is pas ontruim nadat een van die werknemers daar glo positief getoets het vir die corona-virus.

Verskeie lede van die publiek het Rosestad Nuus laat weet dat die stasie tydelik gesluit word tot die perseel voldoende ontsmet is.

Rosestad Nuus het betroubaar verneem dat dit tot drie dae kan neem voordat die publiek weer toegelaat sal word om die perseel te besoek.

Een van Bloemfontein se “ Pannekoek Tannie” se moordenaars gevonnis

Een van die mans wat verantwoordelik is vir die dood van Anna Herbst, beter bekend as Bloemfontein se “pannekoek tannie” wat verlede jaar in haar huis op die Martindale hoewes buite Bloemfontein doodgebrand het, het gister in die hooggeregshof in Bloemfontein beken dat hy haar vermoor het.

Volgens Netwerk24 het Lehlenolo Gift Hans in ‘n pleitveduideliking gesê dat hy die huis aan die brand gesteek het met die wete dat Herbst vasgemaak is binne in die huis.

Hy is 12jaar opgelê vir roof, 5 jaar vir branstigting en 25 jaar gevonnis vir moord.

Hy gaan die vonnisse samelopend uitdien.

Sy twee medebeskuldigdes moet Oktober in die hof verskyn.

‘n Droogtehulp-organisasie verlig ook stedelinge se kos-nood

Die hulporganisasie, Boere Droogtehulp SA NPC, het onlangs meer as R100 000 se voer vir 47 boere in Calvinia in die Noord-Kaap afgelaai.

Die organisasie het verlede week ook meer as R150 000 se kospakkies aan ‘n kerk en organisasies in Rustenburg in Noordwes geskenk.

Die woordvoerder, Chris van Beljon, sê dié week draai die vragmotorwiele om meer as 300 behoeftiges in Bloemfontein van kos te voorsien.

Grey-kollege gaan voort met onderrig

Die vooraanstaande Bloemfonteinse seunskool Grey-kollege gaan voort met onderrig en is nie as geheel onder kwarantyn geplaas nie.

Só het die skoolhoof, Deon Scheepers, gesê nadat ‘n matriekleerling van Pietermaritzburg positief vir Covid-19 getoets het.

Hy het Sondag van die huis af teruggekeer en is in afsondering.

Die seun se koshuis is vir twee dae gesluit en die 19 ander seuns en personeel is onder kwarantyn in ‘n gastehuis.

Ontsmetting is aan die gang.

Grey-kollege sluit sy koshuis en plaas sy inwonende matrieks en koshuis-onderwysers onder kwarantyn na ñ matriekleerling positief toets

Grey-kollege in Bloemfontein het sy koshuis gesluit en sy inwonende matrieks en koshuis-onderwysers onder kwarantyn geplaas nadat een van die matriekleerlinge positief getoets het vir die Corona-virus.

Netwerk24 berig die leerling, afkomstig van Pietermaritzburg, het Dinsdag positief getoets nadat hy met ñ erge hoesbui en seer keel wakker geword het.

Hy het egter nooit koors ontwikkel nie.

Hy is in afsondering geplaas tot ñ familielid hom kom haal en laat toets het.

Die skoolhoof, Deon Scheepers, het die departemente van onderwys en gesondheid verwittig, wat die skool sal adviseer oor die pad vorentoe.

Covid-19: Ouers in die Vrystaat gemaan om kalm te bly

Ouer s in die Vrystaat word gemaan om kalm te bly nadat verskeie kinders in die provinsie positief getoets het vir Covid 19.

Met die skole wat Maandag heropen vir graad sewe en graad twaalf leerders, het dr. Cloete van Vuuren van 3 Militêre hospitaal in Bloemfontein, ouers gemaan om kalm te bly.

Volgens van Vuuren kan ouers nie hulle kinders onbepaald uit die skool hou om infeksie te voorkom nie.

Netwerk24 berig dat Dr. David Motau, hoof van die Vrystaatse gesondheidsdepartement, bevestig het dat ‘n paar kinders positief getoets het, maar sê
sover hy weet is meeste weer gesond.

Kenners beweer dat die pandemie vir tot twee jaar nog deel van die samelewing kan wees.

Suid-Afrikaners moet hulself voorberei op bibberweer

Suid-Afrikaners is gewaarsku om waaksaam te wees want temperature het landswyd skep gedaal.

Die kouefront het die Wes-Kaap gister getref en oornag na die binneland beweeg.

Bloemfontein was gisteraand een van die koudste plekke in die land, waar die temperatuur tot ‘n ysige minus vier grade gedaal het.

Met die koue front wat inwoners van Gauteng in ‘n ysgreep vasgevang het, het die woordvoerder van die Johannesburgse Nooddienste, Robert Mulaudzi, mense gewaarsku om ekstra versigtig te wees en om warm aan te trek.

LEES: Die volgende riglyne geld vir Vlak 4 van die inperking

Beweging:
– Die dra van gesigmaskers in die openbaar is verpligtend ten alle tye
– Streng higiëne moet gehandhaaf word sowel as ‘n gesonde afstand tussen persone
– Siftingstoetse word deurgaans in die werksplek en openbaar gedoen
– Aandklok-reël van saans 8-uur tot soggens 5-uur geld

Daar mag in groothandel en kleinhandel met die volgende produkte handel gedryf word:
– Enige voedsel-, higiëniese en reinigings-produkte
– Enige skryfbehoeftes en babasorg-produkte
– Enige wintersklere, winterskomberse en verwarmers
– Enige mediese voorraad
– Enige brandstof, steenkool, hout, gas en tabakprodukte
– Hardeware vir gekwalifiseerde ambagsmanne wat noodherstelwerk vir enige tuiste of noodsaaklike dienste moet verrig
– Enige komponente of onderdele vir voertuie van werkers wat noodsaaklike dienste verrig
– Enige chemikalieë en verpakking en verskaffing van Vlak 4-produkte

Die volgende produkte en/of dienste mag deur die vervaardigingsektor gelewer word:
– Alle Vlak 4-produkte sowel as papierprodukte
– 50% van die normale skryfbehoeftes, sement en bou-materiaal
– 50% van die normale hoeveelheid voertuie sowel as onderdele
– 100% van alle petroleum produkte, insluitend smelt-oonde en raffinaderye

Die volgende produkte en/of dienste mag deur die landbou-, bosbou- en visserye-sektor gelewer word:
– Produksie van landbou-gewasse sowel as lewende hawe en die uitvoer van produkte
– Noodsaaklike vissery dienste
– Noodsaaklike oes van produkte sowel as die stoor daarvan
– Blomme-boere en bosbou-dienste

Die volgende produkte en/of dienste mag deur myne en steengroewe gelewer word:
– 100% steenkool produksie vir Eskom
– 100% produksie vir oopgroef-myne
– 50% produksie vir enige ander myne

Elektrisiteit, gas en watertoevoer:
– Alle elektrisiteit, gas en watertoevoer mag gelewer word

Die volgende produkte en/of dienste mag deur die bou-sektor gelewer word:
– Noodsaaklike siviele ingenieurswese en konstruksie vir openbare werksprojekte (insluitend water, energie, sanitasie, brûe en paaie)
– Noodsaaklike onderhoud- en herstelwerk

Die volgende produkte en/of dienste mag deur die vervoer-sektor gelewer word:
– Vervoer van vragte vir plaaslike gebruik asook buurlande met noodsaaklike goedere wat voorkeur sal geniet
– Publieke vervoer soos onderhewig aan die Vlak 4-regulasies

Die volgende produkte en/of dienste mag deur die gasvryheid-sektor gelewer word:
– Issolasie- en kwarantyn-akkomodasie
– Kos-aflewerings onderhewig aan die aandklok-reël (geen wegneem-etes of aansit-etes nie)

Die volgende produkte en/of dienste mag deur huiswerkers gelewer word:
– Inbly-huiswerkers word toegelaat
– Ondersteuningsdienste vir Vlak 4-personeel wat noodsaaklike dienste verrig

Die volgende produkte en/of dienste mag deur media-verskaffers gelewer word:
– Aanlyn-dienste insluitend lewendige stroom (“Live Stream”)
– Koerante en uitsaaidienste mag operasioneel wees
– Produksies vir plaaslike uitsaaiwese mag vervaardig word

Die volgende produkte en/of dienste mag deur die gesondheids- en welsyn-sektor gelewer word:
– Noodsaaklike werknemers van vakbonde mag werksaam wees
– Alle welsynswerk en welsyns-sorg mag gelewer word
– Begrafnis- en verassingsdienste
– Veeartseny en gepaardgaande mediese dienste
– Bestuur van wild
– Sanitasie, plaagbeheer, rioolwerke en vullisverwydering sowel as 50% herwinning van papier, glas en metaal (sluit informele herwinnaars in)

Die volgende nood-dienste mag produkte en/of dienste lewer:
– Insleepdienste
– Noodsaaklike voertuig herstelwerk
– Noodsaaklike herstelwerk insluitend loodgieters, elektrisiëns en slotmakers

Die volgende produkte rakende finansiële en besigheidsdienste mag gelewer word (werk van die huis af waar moontlik):
– Ondersteuningsdienste vir Vlak 4-diensverskaffers insluitend voertuig-verhuring en gereedskap-verhuring
– Private sekuriteit
– Oproep-sentrums
– Noodsaaklike finansiële dienste
– Payroll-verwante werknemers

Die volgende produkte en/of dienste mag deur die telekommunikasie- en inligting-sektore gelewer word:
– Alle telekommunikasie, inligting en kommunikasie-tegnologie dienste
– Posdienste en koerier-dienste vir Vlak 4-noodsaaklikhede soos mediese toerusting en produkte
– Inligting- en kommunikasie-tegnologie en lugtyd-verkope

Die volgende produkte en/of dienste is steeds verbode vir die Vlak 4-inperking:
– Geen plaaslike of interprovinsiale reise nie, behalwe vir Vlak 4-werknemers wat noodsaaklike dienste verrig
– Geen internasionale reise
– Geen konserte, fliekteaters of byeenkomste nie
– Beperkte oefening (geen openbare gimnasiums)
– Geen lugvaart of seevaart nie
– Geen alkohol-verkope