Ken jy my?

1. Eerste dag by die werk 
Daar was soveel eerstes! Daai eerste dag in die Kampusateljee toe ek nie die platespeler op die regte spoed vir die plaat gestel het nie en OMD klink soos Chipmunks! Steeds het hulle my daar laat werk!
Die eerste “Tempo”-program op Radio Oranje – waar ek soos ‘n tiener met puberteitsindroom geklink het, so erg was die sunuwees! (My eerste plaat was Live is Life van Opus!) – En hulle laat my toe om daar te werk!
Die eerste Rosestaduitsending, vanaf Brandfort, toe ek so verbaas was dat mense my groet dat die keel toegetrek het en ek die nuus laat klink het soos ‘n onderwater geroggel! En die baas besluit ek mag maar daar werk! En ek doen dit steeds – en amper elke keer voel dit soos ‘n eerste keer!

2. Wat sal jy jou boot noem? 
Aanmaakkoeldrank – dis baie naby aan water!

3. Wat irriteer jou die meeste?
Mense wat dink hulle weet…

4. Watse vreemde gewoonte het jy? 
Ek is total obsessief kompulsief; pak alles netjies in rye! Skuif jou portrette reg of ek doen dit vir jou!

5. Daardie een ding wat nie by die werk moes gebeur nie 
Hoeveel tyd het jy? Ek probeer saggies die rek van my stapel plate afhaal terwyl Jeannette die nuus lees, toe die rek breek en dit tref my…daar! Sak soos ‘n gekweste bok neer op die grond in pyn en sy lag so dat Anton van die eerste vloer of moes ateljee toe hardloop en by haar oorneem. Of die dag toe ek net na vyf die oggend in die ateljee aan die slaap raak en die luisteraars word vir 20 minute getrakteer op ‘n boeremusiek plaat tot sekuriteit my kom wakkermaak.
Die beste was dat dit ‘n SAUK transkripsieplaat was en tussen elke snit is daar ‘n aankondiging in ‘n bitter droë stem wat se, “SAUK-opname, track 1, snit 1…2…3…4. (En steeds het Christo Olivier my daar laat werk!)

Ken jy my?

1. Eerste dag by die werk 
Ek sal nooit vergeet nie, my eerste solouitsending was op my huweliksherdenking. Dit sal altyd ‘n ekstra spesiale dag vir my wees! My maag was vol vlinders, my tong het geknoop vir als en my vingers het al die verkeerde knoppies gedruk! My senuwees was gedaan! As ek mooi daaraan dink, is daar nog elke keer vlinders in my maag met ‘n uitsending ?

2. Wat sal jy jou boot noem? 
Bubbles ?

3. Wat irriteer jou die meeste?
Mense wat nie ander ‘n plekkie in die son kan gun nie en wat lelik is met ander sonder om rede te hê. En dan natuurlik mense wat so lekker veroordeel…

4. Watse vreemde gewoonte het jy?
My penne en potlode se skryfpunte moet altyd na links kyk as dit op my tafel lê en na voor wys as dit in my laai is.

5. Daardie een ding wat nie by die werk moes gebeur nie 
My tong laat my gereeld in die steek deur nié die woord reg uit te spreek wat ek aan dink of soos ek dit wil uitspreek nie. Ek het ‘n ruk gelede een van Engelbert Humperdinck se liedjies gespeel en toe ek dit wil terugaankondig, het sy van uitgekom sonder die ‘n’ aan die einde. Ek het so groot geskrik dat ek nie ‘n woord verder kon uitkry nie en het maar net dadelik oorgegaan na die volgende liedjie.
Om eerlik te wees, ek het nog nooit weer daarna een van sy liedjies gespeel nie, uit vrees vir foutiewe uitsprake! ?

Ken jy my?

1. Eerste dag by die werk
Dit was ‘n Sondagmiddag. ‘n Sterk stormwind het die stasie se dak afgewaai. Dit het ingereën en ons was van die lug af.
Oom Willem le Roux, stigterslid en destyds hart en siel van die stasie, het my gebel en gevra ek moet ingaan en net iets op die lug speel totdat Leon Schoombee, toe die stasie se hoogs bekwame tegnikus, die skade herstel het.
Ek het geen benul gehad hoe die mengbank werk nie, en Leon nog minder. Ons het knoppies gedruk, die mikrofoon oop-en-toe gemaak.
In die diskoteek was ‘n paar CD’s met Strauss-musiek en ek het gedink dit sal nogal goed werk op ‘n Sondagmiddag. Oom Willem het by die huis bly luister totdat hy Die Blou Donou kon hoor. Vir my – en vir Leon – was dit ‘n vuurdoop.

2. Wat sal jy jou boot noem?
As ek ooit die onwaarskynlike geluk sou oorkom om ‘n boot te besit, sal ek dit KAMMALAND noem. Jy weet, daardie bootjie na …

3. Wat irriteer jou die meeste?
Klein ongediertetjies wat saans rondvlieg en mens se somer bederf.

4. Watse vreemde gewoonte het jy?
Eet presies twee-uur in die nag brosroosterbrood en melk.

5. Daardie een ding wat nie by die werk moes gebeur nie
Dit was ‘n Saterdagoggend en minute voordat ek moes begin uitsaai. Ek het oudergewoonte ‘n glas water ingetap om ateljee toe te neem, toe die glas uit my hand val en breek. Ek gryp om te keer, en die gebreekte glas kloof my linkerhand se pinkie oop en ek bloei oor alles.
Die vorige omroeper was al weg en ek het byna ‘n rol toiletpapier om my vinger gedraai om die bloed te stop. Die pleisters in die noodhulpkissie het niks gehelp nie.
Al bloeiende moes ek maar uitsaai! Dis wanneer jy besef hoe belangrik jou pinkie en elke vinger is; wanneer jy enigiets moet doen!

Ken jy my?

1. Eerste dag by die werk
My eerste dag in die uitsaai, was by Springbokradio in Seepunt, Kaapstad. Ek het die rol van ‘n jong dokter gespeel in een van die middagvervolgverhale. Dit was in 1980.
Die regisseur, Suzaan van Wyk (rus haar siel), het skielik tydens die opname die ateljee binnegestorm en my met haar handsak oor die kop en lyf geslaan. Dit was, sou ek later agterkom, toe ek ‘n bietjie te hard op die mikrofoon gespeel het. Jy het net sigaretstompies uit die handsak sien trek!
Haar woorde met die aanslag om my mik-mak te maak, kan ek nie hier herhaal nie, maar ek het daarna nooit weer die fout gemaak nie. Met ‘n rooigesig het ek selfs haar stompies ewe gedwee opgetel van die vloer af.

2. Wat sal jy jou boot noem?
As ek ‘n boot sou besit, sou ek hom waarskynlik, Poseidon se Perd, noem. Ek is ‘n diepseeduiker en het groot respek en bewondering vir die donker dieptes. Dit is die een plek waar ek van alles kan vergeet en my verloor in die wonderwêreld van die waterryk.

3. Wat irriteer jou die meeste? 
‘n Klippie wat ek kwalik uit my skoen kan kry, is mense wat nie hul woord kan hou nie. Is dit dan so moeilik om by jou “ja” of jou “nee” te bly?
Omdat ek ‘n Skerpioen is, is konstantheid vir my belangrik. Ek raak verveeld met mense wie se ja en amen rondval. Respek en vertroue is twee van die pilare wat ek na ‘n vriendskap toe bring. Ek verwag dieselfde van ‘n ander party. As dit nie die geval is nie, is daar nie ‘n tafel met vier pote waarby ons kan kuier nie. Dan beweeg ek gewoon aan.

4. Watse vreemde gewoonte het jy?
Gewoontes is dinge wat ‘n mens aanleer. Dus kan dit afgeleer word ook. Dinge soos: rook, vloek, perfeksionlisme, ens.
As jy my gewoonte van afsondering as ‘n vreemde gewoonte beskou, sal jy moontlik daarmee deernis hê as jy weet dat ek ‘n algehele introvert is. Dit is slegs in afsondering waar my batterye weer krag kry.

5. Daardie een ding wat nie by die werk moes gebeur nie
Die een ding wat nooit by die werk moes gebeur het nie, is dat die baas uitgevind het ek kan meer doen as net uitsaai. Soms is dit beter om nie met jou gawes en talente op skou te loop nie.
Omdat jou gawes, talente en vaardighede egter vir jou genot bring, is jy dikwels die slagoffer van goedkoop arbeid. My oordeelsfout! Nie die baas s’n nie. Hy doen gewoon waarvoor hy aangestel is.

Gelukkig het hierdie Skerpioen se angel min of meer tot rus gekom.
Wysheid lê meestal in stilswye.

Gauteng: "LUR vir Onderwys het agtergeraak met sy werk"

Gauteng: “LUR vir Onderwys het agtergeraak met sy werk”

Die Vryheidsfront Plus sê die Gautengse LUR vir Onderwys, Panyaza Lesufi, het agtergeraak met sy werk, en dit veroorsaak onnodige spanning tussen die Departement van Onderwys en die skole in die provinsie.

Die party sê die Grondwethof het Lesufi in Mei 2016 opdrag gegee om toe te sien dat die nuwe voergebiede vir skole in medewerking met elke skool geïdentifiseer word, maar skole is nou eers daaroor ingelig.

Dit beteken dat hulle net ʼn maand gegun is om kommentaar te lewer op die gebiede.

En intussen sê die Gautengse Departement van Onderwys dat die plasing van leerders in openbare skole vir volgende jaar fluks vorder.

Meer as 200 000 is reeds by ʼn skool geplaas.

Die departementele woordvoerder, Steve Mabona, sê hulle moet nog 54 773 leerders plaas, wat tydens die aansoekperiode aansoek gedoen het.

Optog na die JEB teen die beweerde ekonomiese uitsluiting van bruin mense

Optog na die JEB teen die beweerde ekonomiese uitsluiting van bruin mense

Die Gautengse koördineringskomitee van die Shut-Down-veldtog sê hulle optog na die Johannesburgse Effektebeurs vandag is om aan te dring op die ekonomiese insluiting van bruin mense.

Die groep is ook besig om vir dié week ʼn landswye afsluiting te reël wat bekend sal staan as Bloed-Vrydag.

Die organiseerder, Anthony Phillip Williams, sê hulle verwag ʼn ordentlike antwoord vanaf president Cyril Ramaphosa aangesien hulle ervaar dat hulle die skyf is van ekonomiese uitsluiting.

Demo 3

Demo 3Demo 3Demo 3Demo 3Demo 3Demo 3