Cosatu sê die verskuiwing van Eskom na die Departement van Energie sal nie die krisis oplos nie

Cosatu het oproepe verwerp dat Eskom verskuif moet word van die Departement van Openbare Ondernemings na die Departement van Energie om toesig te verbeter.

Matthew Parks van die vakbondfederasie sê so ʼn skuif sal nie die land se energiekrisis op enige wyse oplos nie.

Hy sien die oproepe as politiekery en deel van die faksiegevegte om van minister Pravin Gordhan ontslae te raak en president Cyril Ramaphosa te verswak.

Eskom het intussen bevestig dat daar vandag, soos gister, geen beurtkrag in die vooruitsig gestel word nie.