Gereformeerde Kerk Bloempark se jaarlikse Nagmark

Gereformeerde Kerk Bloempark se jaarlikse Nagmark is weer op 19 Oktober 2018.

Die lekkerheid skop af om 18:00, by Gereformeerde Kerk Bloempark op die h/v Charlie Sutton en Stollreither straat in Fichardtpark reg oorkant die groot Pick & Pay se parkeerarea!

Kom luister na kunstenaars, dansers en handevol lekkernye. Niemand wil kos maak op ‘n Vrydagaand nie. Kom koop sommer by ons en geniet die aand met lewendige, gratis vermaak!

Daar is ook talle stalletjies met allerhande gebak en handgemaakte goedjies!

Hengel Kompetisie

Die NG Gemeente Gardeniapark hou Saterdag 20 Oktober ‘n hengel kompetisie by Krugersdrift dam.

Belangstelendes kan Corrie Pretorius kontak op my sel nr. 082 5701 478.

Westdene Park Mark

Westdene Park Mark, Brillstraat, Westdene.
Datum: 20 Oktober
Tyd: 09:00 tot 14:00

Bring die gesin en geniet goeie kos, interessante stalletjies en lekker musiek. Die kinders kan die speelparkie geniet. Troeteldiere is welkom. Bring ‘n blikkie kos om die SPCA te ondersteun.
Om ‘n stalletjie te bespreek, kontak vir Kay – 0721536094

Genealogiese Genootskap van Suid-Afrika

Die Vrystaattak van die Genealogiese Genootskap van Suid-Afrika kom op Maandag 22 Oktober 2018 om 18:30 byeen.

Let op die verandering van die bymekaarkomplek vir hierdie vergadering wat by die Vrystaatse Argief, Badenhorststraat, Bloemfontein, gehou sal word.

Mnr Johan Pottas is die spreker en sy onderwerp is “Vrystaatse Voorvaders”

Bywoning van die vergadering is gratis.
Na die vergadering sal ‘n ligte ete bedien word teen ‘n koste van R50 elk.

Besoekers en lede moet asb John Webb by 051-436 8537 of 083-258 8986 kontak om vir die ete te bespreek. Besprekings moet by hom gedoen word nie later as 12:00 op 15 Oktober 2018 nie.

Dans aangebied deur die Vrystaattak van die Boeremusiekgilde

Die dans word deur Die Vrystaattak van die Boeremusiekgilde gehou op die 27ste Oktober 2018, om 19:00 in die Rosenhof Skoolsaal, agter Rosepark Hospitaal.

Daar sal verkeie orkeste optree met hul lekker dansnommers. Daar sal vure wees om lekker te braai.

Vir besprekings, om telleurstellings te voorkom, skakel vir Carel by 072 358 0840.

Beauty and the Beast

Beauty and the Beast word opgevoer in die Stadskouburg.

Donderdag 1 Nov is die finale kleedrepitisie nou beskikbaar teen R70 ‘n kaartjie.
Vrydag 2 Nov is die eerste vertoning om 19:00
Saterdag 3 Nov is daar twee vertonings: 12:00 en weer 19:00

Kaartjies en meer info beskikbaar by elnaballet@mweb.co.za of 0824625507
‘n Verhoogproduksie vir oud en jonk!

HTS Bloemfontein 1978 Matriek Reunie – 40 jaar!

HTS Bloemfontein se matriekklas van 1978 beplan ‘n 40 jaar reünie op 10 November 2018 in Bloemfontein.

Dringend opsoek na name en kontakbesonderhede van die oudleerlinge.

Kontak vir Francois Annandale 082 557 6004 of 051-448 1106 werksure.

Kontiki Gholfdag

23 November 2018

Schoemanpark Gholfklub – Bloemfontein

Betterball Stableford with scramble drive – spanne van twee

Pryse, veiling en gelukstrekking.

R1 400 per vierbal

Borggeleenthede beskikbaar.

Morne Botha – 082 553 7997 – morneb@smlsales.co.za

Marzanne Booyens – 084 595 2464 – skoolhoof@kontiki.com