Die hofgeding tussen president Cyril Ramaphosa en die OB word vanoggend in die Hooggeregshof in Pretoria voortgesit

Die hofgeding tussen president Cyril Ramaphosa en die Openbare Beskermer, Busisiwe Mkhwebane, word vanoggend in die Hooggeregshof in Pretoria voortgesit.

Ramaphosa doen aansoek vir ʼn dringende tussentydse bevel teen haar verslag oor die skenking van R500 000 deur die omstrede Bosasa-maatskappy vir sy veldtog om as ANC-leier verkies te word.

Die president versoek ʼn dringende geregtelike hersiening van die bevindings in die verslag.

Mkhwebane het onlangs aangedui dat sy nie die aansoek gaan teenstaan nie.