Die Kommissie vir Geslagsgelykheid het politieke leiers veroordeel omdat hulle geslagsgeweld verpolitiseer om goedkoop politieke punte aan te teken

Die Kommissie vir Geslagsgelykheid het politieke leiers veroordeel omdat hulle geslagsgeweld verpolitiseer om goedkoop politieke punte aan te teken.

Die ANC-LP Boy Mamabolo het die leier van die EFF, Julius Malema, gister tydens die debat oor die staatsrede in die Parlement gevra of hy sy vrou mishandel.

Hy het dit ontken, maar teruggekap en president Cyril Ramaphosa daarvan beskuldig dat hy sy gewese vrou, Nomazizi Mtshotshisa, aangerand het.

Javu Baloyi van die kommissie sê geslagsgeweld moet ernstig opgeneem word.