Anjez Colyn

Anjez Colyn

Omroeper

Musiek vloei deur my are en maak my wie en wat ek is. By Radio Rosestad kry ek die wonderlike geleentheid om hierdie passie van my met ander te deel! Ek is uniek, ‘n dogter van God, ’n vrou vir ‘n kosbare man en mamma vir twee pragtige dogters! Ek geniet die klein dingetjies in die lewe, soek die goeie in als en leef met passie, omgee en liefde vir ander. ‘n Vanieljeroomys met kleurvolle sprinkles bo-op!

Anton Smith

Anton Smith

Omroeper; Bemarker

Anton Smith is ’n boorling van Port Elizabeth en het sy skool- en later jare in Bloemfontein gesluit. Hy is weeksdae verantwoordelik vir Rosestad Joernaal - 12:30-15:00.

Babs Cloete

Babs Cloete

Omroeper

Babs Cloete (gebore Mocke) is ‘n gebore en getoë Vrystater. Sy het op ’n plaas in die distrik Cornelia in die Vrystaat grootgeword en het daarna saam met haar ouers na Bethlehem, en nog later, na Bloemfontein verhuis. Sy begin skoolgaan by die Truida Kestell Meisiekool op Bethlehem, daarna by Willem Postma in Bloemfontein en het aan die Hoërskool Model in Bloemfontein gematrikuleer. Sy het aan die Vrystaatse Tegniese Kollege in Bloemfontein gestudeer en verskeie diplomas verwerf.

Sy is sedert die ontstaan van Radio Rosestad by die stasie betrokke; aanvanklik as deelnemende belangstellende, en later as vryskutomroeper.

Bernie Naude

Bernie Naude

Omroeper

Ek is ‘n gebore Bloemfonteiner en het vir sewe jaar diens gedoen in Johannesburg as ‘n ALS paramedikus.
Die liefde vir die vermaaklikheidsindustrie was egter te sterk en ek het aangesluit by OFM as aanbieder waar ek ook sewe jaar op die lug was en my loopbaan afgesluit het as aanbieder van ‘n daaglikse sportprogram en ook mede-aanbieder van die Mambo Jumbo middag program met Riaan van Heerden.
Ek bied ook tans die Radio Rosestad Saterdag ontbytprogram aan.

Christie Hansen

Christie Hansen

Omroeper; Bemarker

Ek is Christie Hansen, omroeper en bemarker by Radio Rosestad. Ek was ’n onderwyser voor ek met die radio deurmekaar geraak het.

Gerdie Karstens

Gerdie Karstens

Omroeper; Bemarker

Ek is ‘n omroeper en bemarker wat geseënd is met ’n pragtige gesin en ‘n wonderlike ondersteuningsraamwerk in my familie en skoonfamilie.
Voordat ek my liefde vir radio ontdek het, was ek vir 10 jaar ’n sportjoernalis in die stal van Media24, meer spesifiek by Volksblad.
Ek is ’n oudleerling van die Hoërskool Sand du Plessis en het ‘n BA-graad in taalstudie aan die UVS ontvang.
Ek is getroud met Tracey, en ons het twee dogters: Marelize en Elmé.
Gholf is my passie.

Gerda Niemann

Gerda Niemann

Omroeper

Die lewe is kort - so leer om meer te lag, veral vir jouself. Eet dai koek, vat daai kans en sing hard saam.

Ek is ’n nuwe omroeper by Radio Rosestad

Heibrie de Wet

Heibrie de Wet

Omroeper; AgriFM

Ek doen landbouverslaggewing en boer ook voltyds met ‘n Brangus Stoet. Ek was in 2016 Brangus Jong Teler van die Jaar. Ek boer nie vir myself nie, ek bestuur bloot dit wat aan die Here behoort. Elke dag is ‘n voorreg en avontuur.
Ek was ook deel van die sangduo, Juliet, wie se musiek nog steeds op radio gespeel word. Musiek pols deur my Afrikanerboerehart.

Ek en my Sus, San-Marie is alleen grootgemaak deur ons pa, Danie Botha. Die voorbeeld wat hy gestel het, is wat ek elke dag probeer naleef: dat my kinders die Here sal liefhê, dat niks vanself gebeur nie maar dat harde werk beloon word en dat my geliefdes sal weet dat ek hulle liefhet en dat ek voete van klei het.

Gelukkig getroud met my beste maatjie, Jaco de Wet, en ons deel vier unieke kinders.

Jaco de Wet

Jaco de Wet

Omroeper; Bemarker; Programmebestuurder

Ek het op skool reeds besef om te praat en mense te laat glimlag, is makliker as om te werk.
Kos doen dieselfde vir my – veral ‘n lekker steak! Of beesstert, of sagopoeding…
Ek glimlag ook makliker in Bloemfontein
waar ek gebore is en nou nog is.
Dankie aan Ma Doreen vir groot glimlagte! By Kovsies het ek gereeld geglimlag. Ai, die lewe van ‘n student en my pa het nog vir my gesorg! Daarna skool gehou by Hoërskool Fichardpark – lekker gewees, en daarna by die SAUK begin werk, uhm…praat! Vir baaaaaaie jare by die destydse Radio Oranje, en toe skuif ek na Radio Rosestad! Dit het my weer laat glimlag! En nou glimlag ek in AFRIKAANS!!! (daai is maklik!!!)
Getroud met die beste boer in die Vrystaat, ook die een wat my van die natuur, die diere, ons erfenis en ons Here se genade geleer het! Vier malletjies (kinders) maak die huis vol met al hulle aanhangsels – soms glimlag ek daaroor ook…
Ek bly by my lewensfilisofie – Die lewe gaan omtrent keuses! So, ek kies my taal, my Here en my familie (ook die Rosestad-familie) en altyd ‘n GLIMLAG!!!

Johan de Klerk

Johan de Klerk

Omroeper

My groot passie in musiek is reeds op ‘n vroeë ouderdom duidelik waar ek musiek speel by skoolsokkies. Vandaar het ek passie om op radio te wees, ontwikkel. Op 7 Februarie 2017 was my eerste uitsending by Radio Rosestad.

“Musiek is soos om asem te haal vir my en niemand raak ooit moeg om asem te haal nie.”

Ek tree gereeld op by funksies, troues en geleenthede waar ek die dansvloere laat brand.
Een van die grootste gebeurtenisse in my lewe is die geboorte van my tweelingseuns.

Johan Gunter

Johan Gunter

Omroeper; AgriFM; Projekbestuurder

Ek is Bestuurder Projekte by Rosestad. Ek is ook deel van die Agri FM-program en Sondae tussen 07:00 en 07:30 bring ek vir jou n BodemloseKoppiKoffi op 100.6FM.

Marius de Klerk

Marius de Klerk

Omroeper

Gebore in die Kaap en matrikuleer in 1992 in Bloemfontein. Reeds sedert sy skooljare het die passie vir radio en liefde vir musiek die belanstelling net verder laat groei.

Marius het op 1 Jan 2018 by Radio Rosestad aangesluit as ’n deeltydste omroeper.

Hy is mal oor braaivleis, fliek kyk en sport. Sy trotste oomblik was die geboorte van sy 2 dogters.

Michiel Combrinck

Michiel Combrinck

Omroeper

Ek is gebore en getoë in die mooi Rosestad.
Musiek en mense is my passie en ek leef my passie uit voor die mikrofoon.
Ek is ’n pa, bobaas kok en groot Cheetah-ondersteuner.
Kuier saam met my weeksdae 09:00 tot 12:30.

Nicole Viljoen

Nicole Viljoen

Omroeper

Gebore in Bloemfontein en beplan nie om erens anders te bly nie. Groot liefde vir die Rosestad en sy mense. Haar loopbaan is kleurvol want sy doen alles wat sy van hou.

Haar groot liefde le in Radio. “Om ’n omroeper te wees maak my hart gelukkig, goeie musiek kan alles regmaak”

Sy skryf graag en sing voor die tv met ‘n borsel as niemand by die huis is nie. Hou van oefen maar ook van eet so dit is ’n ewige stryd. Sy is n mense mens wat omgee oor haar gemeenskap en is betrokke by verskillende uitreikingsgroepe.

Riaan Schoeman

Riaan Schoeman

Omroeper; Bemarker

Ek is gebore op Volksrust in Mpumalanga en aangesien ek ‘n bankbestuurder se kind is, het ek grootgeword op verskeie plekke.
Ek bly die afgelope 20 jaar in Bloemfontein en is getroud met Nicoline. Ons is geseënd met twee kinders.
Ek is ‘n omroeper en bemarkingskonsultant by Radio Rosestad en geniet elke oomblik daarvan.
Ek is ‘n “onder die dekmantel rockster”, het ‘n geweldige soettand en ek versamel superheldspeelgoed.