Die Suid-Afrikaanse Lugdiens sal ingrypende hervorming ondergaan

Die Suid-Afrikaanse Lugdiens sal ingrypende hervorming ondergaan.

Die Minister van Openbare Ondernemings, Pravin Gordhan, het aangekondig dat daar geen ander uitweg is om die sukkelende nasionale lugdiens te red nie.

Dit volg ná laasmaand se weeklange staking wat die lugdiens lamgelê en R50-miljoen per dag gekos het.

Die bestuur het toegegee dat die arbeidsoptrede die SAL tot op die randjie van ineenstorting gedryf het.