Ekonoom waarsku dat die styging in brandstofpryse kan lei tot hoër kospryse

Ekonoom waarsku dat die styging in brandstofpryse kan lei tot hoër kospryse

‘n Ekonoom waarsku dat die styging in brandstofpryse kan lei tot hoër kospryse.

Die prys van petrol het om middernag met 74 sent per liter gestyg en diesel met 93 sent per liter.

Die ekonoom Mike Schussler sê kospryse in die land word sterk beïnvloed deur brandstofpryse omdat Suid-Afrika hoofsaaklik van padvervoer
gebruik maak.

Hy meen die prys van brood kan met sowat 10 sent styg, omdat veral die hoër dieselprys ‘n rol speel.

Volgens Schussler sal vleispryse nie so erg geraak word nie, maar enige verwerkte kos sal na verwagting duurder word omdat dit gewoonlik ‘n groter vervoerkomponent het.