Gru-ongeluk op die N-8-pad: Dodetal staan nou op 6

Die Vrystaatse departement van vervoer het bevestig dat die dodetal na die gru-ongeluk Saterdag op die N-8-pad in Botshabelo nou op ses staan.

Luidens ‘n voorlopige ondersoek het ‘n bakkie wat van Lesotho onderweg was se wiel gebars, waarna die bestuurder beheer oor die voertuig verloor het.

Dit het teen aankomende verkeer gebots. Vier meisies wat onderweg was na ‘n rugbywedstryd in Bloemfontein is dood, asook die bestuurder van een van die voertuie.

‘n Vyfde meisie het later in die hospitaal gesterf.