Nog twee senior bestuurders van Eskom sal vandag by die Zondo-kommissie in Johannesburg getuig

Nog twee senior bestuurders van Eskom sal vandag by die Zondo-kommissie in Johannesburg getuig

Nog twee senior bestuurders van Eskom sal vandag by die Zondo-kommissie in Johannesburg getuig.

Hulle is Snehal Nagar en Gert Opperman van die Primêre Energie-afdeling.

Gister het ‘n korporatiewe spesialis oor befondsing, Sincedile Shweni, erken dat die Chinese batebestuursmaatskappy – Huarong – Eskom se tenderprosedures omseil het en voorkeurbehandeling gekry het.

Hy het getuig dat Huarong Eskom versoek het om ‘n hanteringsfooi van 400 miljoen rand in ‘n dopmaatskappy te betaal, wat as ‘n filiaal geregistreer is.

Shweni het gesê die Reserwebank sou nie die leningsooreenkoms goedgekeur het, indien hy sy kommer oor die transaksie te kenne gegee het nie.

Die sitting hervat om tienuur.