Pravin Gordhan sê die Suid-Afrikaanse Lugdiens kan wel gered word

Die minister van Openbare Ondernemings, Pravin Gordhan, sê die Suid-Afrikaanse Lugdiens is die eerste staatsinstelling in die land wat in sakeredding geplaas is, dus is daar baie wat hieruit geleer kan word.

Hy het vandag terugvoer gegee aan ‘n gesamentlike sitting van die Parlement se staande komitee oor Openbare Rekenings en die portefeuljekomitee oor Openbare Ondernemings.

Gordhan sê die sakepraktisyns het besluit dat SAL wel gered kan word, maar nie soos dit tans bestaan nie.