Posts

ANC-raadslede van die Mangaung-metro behoorlik die kop gewas

ANC-raadslede van die Mangaung-metro is glo behoorlik deur die Provinsiale Uitvoerende Komitee van die ANC oor swak dienslewering die kop gewas.

Netwerk24 berig dat daar egter steeds geen duidelikheid is oor die pos van die metro-burgemeester, Olly Mlamleli nie.

Faksiegevegte in die metro het die laaste ruk só handuit geruk oor Mlamleli dat een faksie Vrydag ’n raadsvergadering geboikot het.

Daar is vroeër berig dat die ANC se sekretaris-generaal, Ace Magashule, self die uittrap-sessie sou hanteer, maar raadslede is gister vyf uur lank deur die PUK die leviete voorgelees.

Volgens ‘n ingeligte bron is raadslede gewaarsku om saam te staan en gedreig dat hulle summier afgedank sal word as hulle met die media praat.

Die ANC in Mangaung het die uitvoerende burgemeester van die metro, Olly Mlamleli, by die provinsiale uitvoerende komitee verkla

Die ANC in Mangaung het die uitvoerende burgemeester van die metro, Olly Mlamleli, by die provinsiale uitvoerende komitee verkla.

Netwerk24 berig dat Lulama Titi-Odili, waarnemende sekretaris van die streek, op ’n nuuskonferensie bevestig dat hulle ontevrede is met Mlamleli se dienslewering en die inwerkingstelling daarvan.

‘n Bewys daarvan is dat die metro glo nie sulke groot projekte soos ander metro’s kry nie.

Titi-Odili het op ’n vraag oor of die ANC van plan is om Mlamleli in die pad te steek, gesê dié besluit berus nie by hulle nie, maar dat daar ‘n amptelike skrywe aan die provinsiale uitvoerende komitee van die ANC gestuur is.

Volgens Titi-Odili wat hulle nou op terugvoer.

‘n Politieke ontleder sê die ondersoek na Ace Magashule is die verskerping van die interne oorlog in die regeringsparty

‘n Politieke ontleder sê die ondersoek na Ace Magashule is die verskerping van die interne oorlog in die regeringsparty

Die politieke ontleder, Ralph Mathekga, sê die ondersoek na die ANC se sekretaris-generaal, Ace Magashule, is net ʼn teken van die verskerping van die interne oorlog in die regeringsparty.

Volgens berigte sal oudpresident Kgalema Motlanthe die ondersoek lei na Magashule se beweerde rol in die stigting van ʼn nuwe opposisieparty, die African Transformation Movement.

Daar word beweer dat die ATM gestig is deur ʼn ANC-faksie wat hulself by oudpresident Jacob Zuma skaar.

Mathekga sê daar bestaan geen twyfel dat Magashule gaan terugveg nie.

Die ANC wil nie meer vir Angelo Agrizzi voor die staatskapingskommissie kruisondervra nie

Die ANC wil nie meer vir Angelo Agrizzi voor die staatskapingskommissie kruisondervra nie

Die ANC wil nie meer vir Angelo Agrizzi voor die staatskapingskommissie kruisondervra nie.

Die voormalige bedryfshoof van Bosasa het vroeër getuig dat die maatskappy tussen 2004 en 2006 twaalf miljoen Rand aan die party se top-ses ampsdraers betaal het.

Business Day berig dat die ANC vroeër vir Agrizzi veroordeel het as ʼn rassistiese Nazi wat buig of bars sy geloofwaardigheid wil ondermyn voor volgende maand se verkiesing.

Die party het egter vroeër die week toegegee dat talle van die aantygings van korrupsie teen partybeamptes sy verkiesingsveldtog benadeel het.

Die ANC het hom losgemaak van gister se ontwrigting van die boekbekendstelling van Gangster State: Unravelling Ace Magashule’s Web of Capture

Die ANC het hom losgemaak van gister se ontwrigting van die boekbekendstelling van Gangster State: Unravelling Ace Magashule’s Web of Capture

Die ANC het homself losgemaak van gisteraand se ontwrigting van die boekbekendstelling van Gangster State: Unravelling Ace Magashule’s web of capture in die Sandtonstad-inkopiesentrum in Johannesburg.

Betogers waarvan sommige ANC-T-Hemde aangehad het, het eksemplare van Pieter-Louis Myburgh se boek opgeskeur, wat bewerings bevat dat die ANC se sekretaris-generaal die provinsie met ʼn ystervuis regeer het toe hy premier was.

Die ANC-jeugliga in die Vrystaat beplan om Maandag eksemplare van die boek in Bloemfontein te verbrand.

Die ANC het Ace Magashule verdedig teen die aantygings teen hom in ʼn nuwe boek

Die ANC het Ace Magashule verdedig teen die aantygings teen hom in ʼn nuwe boek

Die ANC het sy sekretaris-generaal, Ace Magashule, verdedig teen die aantygings teen hom in ʼn nuwe boek.

Die ondersoekende joernalis, Pieter-Louis Myburgh, beweer in die boek, Gangster State: Unravelling Ace Magashule’s Web of Capture dat Magashule, as Vrystaatse premier, miljoene Rand se belastingbetalersgeld aangewend het tot voordeel van mense soos oudpresident Jacob Zuma, die Gupta-familie en ʼn menigte van invloedryke ANC-politici.

Die ANC sê in ʼn verklaring dat Myburgh sedert 2016 leuens oor Magashule versprei.