Posts

Oproepe dat Malusi Gigaba afgedank moet word

Oproepe dat Malusi Gigaba afgedank moet word

Die vakbondfederasie, Cosatu, het ʼn beroep op president Cyril Ramaphosa gedoen om die minister van Binnelandse Sake, Malusi Gigaba, af te dank omdat hy volgens hulle ʼn las en verleentheid vir beide die Regering en die ANC geword het.

Dit volg ná gister se bevinding deur die openbare beskermer, Busisiwe Mkhwebane, dat Gigaba nie alleen die uitvoerende etiese kode nie, maar ook die Grondwet oortree het, deur ʼn leuen onder eed te vertel.

Dit hou verband met die saak waarby die Oppenheimer-familie se privaat terminaal by die OR Tambo Internasionale Lughawe betrek word.

Cosatu sê sommige van die lede van die kabinet is nie alleenlik korrup nie, maar ook ontsettend onbevoeg en onervare en hulle maak ʼn gemors van alles.

Die EFF het ook ʼn beroep op Ramaphosa gedoen om Gigaba onmiddellik af te dank.

Die EFF-woordvoerder, Mbuyiseni Ndlozi, daar is niks erger as om onder eed te lieg nie.

Cosatu sê Mboweni het ʼn baie kort wittebrood in sy nuwe werk

Cosatu sê Mboweni het ʼn baie kort wittebrood in sy nuwe werk

Cosatu is in gretige afwagting op die ter tafellegging van die minister van Finansies, Tito Mboweni, se mediumtermyn-begrotingsbeleidsverklaring môre en is van mening dat die ekonomie en die land in die algemeen in baie groter moeilikheid is as die heersende ekonomiese resessie.

Die vakbondfederasie sê hy besef dat dit slegs Mboweni se tweede week is, maar daar gaan geen wittebrood vir hom wees nie.

Hy sê daar is nie die luukse van tyd nie, want die 36% werkloosheidsyfer en die deurlopende posbesnoeiings in die meeste ekonomiese sektore het die werkers moeg en tam gelaat.