Ten minste 11 mense is dood en dosyne beseer toe ‘n man met ‘n sportnutsvoertuig deur ’n skare by ’n Filippynse fees in Vancouver, Kanada, gejaag het.

Reuters berig dat die voorval Saterdag plaasgevind het.

Volgens die polisie is ’n verdagte met ’n geskiedenis van geestesgesondheidsprobleme in hegtenis geneem.

Daar is geen bewyse van terrorisme nie.

Die polisie het gesê dat die dodetal kan styg en meer as 100 beamptes werk aan die ondersoek.

Die aanval het kort voor Kanada se federale verkiesing gebeur.

Die Kanadese eerste minister en die Filippynse president het hul meegevoel uitgespreek.

Getuies het vertel hoe feesgangers die verdagte aangehou het.

’n Bystandsentrum is opgerig vir mense wat geliefdes soek.