6 leerlinge is dood en 11 ander is ernstig beseer, toe die bus waarin hulle gery het gistermiddag met ‘n bewegende trein in Mpumalanga gebots het. Die ongeluk het naby Mafube, tussen Wonderfontein en Arnot, plaasgevind.

Moeti Mmusi, Woordvoerder van die provinsie se Departement van Gemeenskapsveiligheid, Sekuriteit en Skakeling, sê die busbestuurder het ligte beserings opgedoen, en die treindrywer het skotvry afgekom. Mmusi sê die bus het ongeveer 30 leerlinge vervoer.