President Cyril Ramaphosa sê Suid-Afrika sal nie geboelie word nie.

Hy het verlede maand ‘n wetsontwerp onderteken wat daarop gemik is om dit vir die staat makliker te maak om grond in die openbare belang te onteien.

SABC News berig volgens Ramaphosa het die regering geen grond gekonfiskeer nie en die beleid is daarop gemik om rasse-ongelykhede in grondbesit uit te roei.

Intussen het die Withuis Vrydag gesê die Amerikaanse president Donald Trump het ‘n uitvoerende bevel onderteken om finansiële hulp aan Suid-Afrika te besnoei.

Hulle sê ook Washington sal ‘n plan formuleer om Suid-Afrikaanse boere en hul gesinne as vlugtelinge te hervestig.

Volgens die Suid-Afrikaans gebore miljardêr Elon Musk, wat na aan Trump is, is wit Suid-Afrikaners die slagoffers van “rassistiese eienaarskapswette”.