Ondanks die feit dat Denel die afgelope vyf boekjare byna R9 miljard se reddingsboeie ontvang het, is hulle volgens ActionSA op die randjie van ineenstorting.

Dit kom nadat die Spesiale Ondersoekeenheid die Staande Komitee oor Openbare Rekeninge oor sy ondersoeke na Denel ingelig het.

Die agentskap het glo skokkende vlakke van korrupsie, wanbestuur en verkwistende uitgawes by die staatsbeheerde entiteit onthul.

ActionSA se Alan Beesley sê die huidige toestand van Denel hou ‘n direkte bedreiging vir die land se nasionale veiligheid in.