ActionSA glo dat Suid-Afrika meer prioriteit aan die Afrika-kontinent moet gee in sy internasionale betrekkinge-strategie. Solly Moeng van ActionSA het die party se visie vir ‘n strategie vir internasionale betrekkinge uiteengesit.

Volgens Moeng was daar baie gevalle waar Suid-Afrika se regering onwilligheid getoon het om uit te spreek teen growwe menseregteskendings deur ander Afrika-leiers. Hy sê dit is ten spyte van aktiewe voorspraak vir menseregte in ander dele van die wêreld.

Terwyl hy die regering se internasionale pogings ondersteun, sê Moeng dit kan nie reg wees om elders te veg terwyl ons die lyding van ons eie Afrika-mense verwaarloos nie.