Adjunkminister in die Presidensie, Kenny Morolong, het sy kommer uitgespreek oor die veiligheid van joernaliste ná sy besoek aan die familie van die vermiste joernalis, Sibusiso Ndlovu.

Volgens SABC News is Ndlovu en sy vriendin op 18 Februarie as vermis aangemeld.

Morolong sê die verdwyning is nie net ’n aanval op mediavryheid nie, maar ook op demokrasie.

Hy glo die polisie sal vordering maak met hul ondersoek.

Regeringsamptenare en polisie het die familie besoek om ondersteuning te bied.

Ndlovu se ma sê sy is diep bekommerd oor haar seun se welstand en dank die gemeenskap vir hul volgehoue steun.

Die twee is steeds vermis.