Adjunkpresident Paul Mashatile speel vandag gasheer vir prins Edward van Brittanje. Mashatile se woordvoerder, Vukani Mde, skryf in ‘n verklaring dat die hertog van Edinburgh by die OR Tambo-ampswoning in Pretoria ontvang sal word.

Ten tyde van sy blitsbesoek, van slegs twee dae, sal prins Edward etlike sleutelfigure vanuit Suid-Afrika se natuurbewarings-geledere ontmoet, asook sekere hooggeplaasdes in politieke kringe.

Barbara Creecy, minister van bosbou, visserye en omgewing, sal saam met prins Edward deur die Pretoria Nasionale Botaniese Tuin wandel.