Die Nasionale Finansiële Hulpskema vir Studente (NSFAS) sê hy sal akkommodasieverskaffers ondersoek wat glo probeer het om onwettig by NSFAS voordeel te trek.

Newskoop berig sommige akkommodasieverskaffers dien verkeerde inligting in om fondse wat vir NSFAS-begunstigdes bedoel is, te verkry.

Terwyl die akkommodasie-eise geverifieer is, het die skema onthul dat dit spookstudente gevind het.

Hierdie studente is nie NSFAS-begunstigdes nie, en hulle is nie by enige openbare universiteit of kollege ingeskryf nie.

NSFAS se woordvoerder, Ishmael Mnisi, sê die ontdekking van die spookstudente wys dat die skema se verifikasieproses belangrik is.