Onafhanklike politieke kommentator, Pule Monama, meen die minister van finansies, Enoch Godongwana, het moontlik die finale spyker in die ANC se politieke kis geslaan.

The Citizen berig volgens Monama kan Godongwana se voorstel oor BTW die party stemme kos.

Volgens Unisa se politieke ontleder, Lesiba Teffo, sal ’n BTW-verhoging ’n besliste impak op die ANC se verkiesingsuitslae hê.

Hy meen president Cyril Ramaphosa dra ook verantwoordelikheid, aangesien Godongwana dit waarskynlik nie sonder sy konsultasie sou aangekondig het nie.

Onafhanklike politieke ontleder, Goodenough Mashego, stel voor dat die regering ’n 1%-verhoging oorweeg, met noodsaaklike goedere wat vrygestel word om die armer lede van die bevolking te beskerm.