Vanjaar se Paasnaweek-padveiligheidsverslag toon beduidende afnames in ongelukke en sterftes.

Die minister van vervoer, Barbara Creecy, het die verslag, op Dinsdag 29 April, in die staatskoerant bekend gemaak.

Ongelukke het met byna 33% afgeneem van 209 in 2024, en sterftes het met meer as 45% afgeneem.

Alle provinsies, behalwe Mpumalanga en die Oos-Kaap, het afnames aangeteken.

Die afnames is toegeskryf aan doeltreffende wetstoepassing en samewerking tussen regeringsowerhede en die burgerlike samelewing.

In die eerste kwartaal van 2025 was daar 16% minder sterftes en 13% minder ongelukke in vergelyking met dieselfde tydperk in 2024.

Voetgangers is verantwoordelik vir 47% van alle sterftes.