Die beweerde Johannesburgse voortvlugtige ontvoerder Carlos Rebelo, is al vir drie maande op die vlug saam met sy huishulp se 6-jarige dogter, Eva Tembo.

Hy het aan News24 gesê hy sal die kind terugbring, maar slegs op sy eie voorwaardes. Die bejaarde eis dat die hofbevel hersien word deur ‘n Hooggeregshof en dat hy gratis regshulp ontvang om toesig oor Eva te behou.

Op 12 Julie het die Kinderhof in Johannesburg beveel dat hy Eva aan haar ouers moet teruggee. Rebelo het sedertdien met haar verdwyn. Hy sê hulle is in Suid-Afrika, maar wou nie hul ligging bekend maak nie.

Rebelo ontken dat hy haar ontvoer het en beweer hy beskerm haar.