Die Suid-Afrikaanse regering staan onder toenemende druk om belasting in die komende begroting te verhoog, tensy daar ʼn baie beduidende ekonomiese groei is.
Sowetan Live berig die ekonome by die regsfirma, Nortons Inc, Avias Ngwenya en Marylla Govender, het gesê dat die land se ekonomie gekenmerk word deur hoë werkloosheid en lae groei.
Die skuld-tot-BBP-verhouding is nie volhoubaar nie.
Die groeiende las van maatskaplike toelaes en staatsondernemings het daartoe gelei dat belangrike fondse wat die groei van die ekonomie sou bevorder, uit die staatsbegroting weglek.
Die jeugwerkloosheid is byna 60%, en die dreigende waterkrisis in Gauteng en KwaZulu-Natal kan die land se Bruto Binnelandse Produk met 5% druk, wat die ekonomie verder benadeel.
