Die Nasionale Tesourie verwag om hierdie boekjaar meer reddingsboeie aan staatsondernemings te betaal.

Volgens die Nasionale Tesourie is meer as R456-miljard oor die afgelope nege jaar betaal om hierdie entiteite uit te red. Die bedrag sal na verwagting teen einde Maart volgende jaar meer as R520-miljard wees.

Van die grootste begunstigdes sluit Eskom, Transnet en die Suid-Afrikaanse Lugdiens in.

Die Nasionale Tesourie het Woensdag aan parlementslede gesê dat dit tyd sal neem om die gevolge van bestuursmislukkings by dié staatsbeheerde maatskappye om te keer.