Die atmosfeer van ‘n eksoplaneet genaamd GJ 9827d bestaan byna geheel en al uit warm watermolekules.

Volgens ‘n verslag in die Astrophysical Journal Letters gebruik sterrekundiges die term “stoomwêreld” om hierdie planeet te beskryf. GJ 9827d, ontdek in 2017, wentel om ’n ster sowat 100 ligjare van die Aarde af.

Dit is ongeveer twee keer die grootte van die Aarde en het drie keer die massa.Sterrekundiges het lig gebruik wat deur die planeet se atmosfeer filter wanneer dit voor sy moederster verbygaan, en waarnemings met die James Webb-ruimteteleskoop en die Hubble-ruimteteleskoop bevestig dat die atmosfeer byna volledig uit waterdamp bestaan. Die planeet se temperatuur is ongeveer 340°C.

Dit is die eerste bewys dat sulke “stoomwêrelde” werklik bestaan.