Inwoners van Bloemfontein en die omliggende gebiede wat onder die Mangaung-metro-munisipaliteit val, sukkel steeds vir weke lank met lae waterdruk en geen lopende water.

Volgens SABC News is verskeie redes die afgelope weke deur die munisipaliteit aangevoer, wat wissel van watertroebelheid tot verstopte filters.

Die metro se woordvoerder, Qondile Khedama, sê die stad is besig met instandhouding van die stelsel se filtrasie by die hoofsuiweringsaanleg by Maselspoort.

Hy voeg by dat hulle amper klaar met die proses is en dat daar dan genoeg bergingskapasiteit sal wees om water eweredig na beide die suidelike en noordelike dele van die stad te versprei.