Centlec, Mangaung se elektrisiteitverskaffer, het die tweede daad van geweld teenoor een van hul eie ten sterkste veroordeel.

Insider Chronicle berig in die mees onlangse geval is ‘n Centlec-tegnikus, Ricardo Willemse, in die skouer geskiet terwyl hy tydens ‘n diensoproep in die Roodewal-omgewing gereageer het. Die aanvaller, na bewering ‘n boer, het van die toneel gevlug en ‘n saak is by die Bloemspruit Polisiestasie  geopen.

Willemse sal na verwagting ten volle herstel. Dié voorval kom minder as ’n jaar ná die moord op Centlec se voormalige uitvoerende hoof, Andries Mgoqi, buite sy taverne in Bergman Square, Bloemfontein.  Mgoqi is deur ‘n onbekende aanvaller geskiet terwyl hy met ‘n vriend buite die onderneming gesels het.

Die elektrisiteitverskaffer het sedert die begin van die jaar bykomende veiligheidsmaatreëls geïmplementeer, insluitend die aanwys van gewapende reaksiepersoneel om tegnici op bystanddiens te vergesel.