Die DA het die publiek versoek om Eskom se voorgestelde 36-komma-een-vyf persent elektrisiteitstariefverhoging teen te staan.

Die party doen ’n beroep op die burgers om die Nasionale Energiereguleerder van Suid-Afrika se openbare verhore in November by te woon om ’n duidelike boodskap te stuur en hoë elektrisiteitskoste te verwerp. Die DA sê dié voorgestelde verhogings sal ’n ondraaglike finansiële las op reeds sukkelende landsburgers plaas.

Die party beweer Eskom se voortdurende strewe om tariewe te verhoog sonder om betroubare, bekostigbare elektrisiteit te lewer is onvolhoubaar en onaanvaarbaar.

Die DA se Kevin Mileham sê hulle het ‘n petisie geloods om hierdie prysstygings te keer en hulle het die kollektiewe krag van elke Suid-Afrikaner nodig om die hoë elektrisiteitskoste te vermy.