Die voormalige EFF-voorsitter, Dali Mpofu, het die Economic Freedom Fighters verlaat.

Mpofu het gesê hy sal by voormalige president Jacob Zuma se MK-Party aansluit.

IOL berig Mpofu het – in ‘n onderhoud op SABC Morning Live – gesê die Regering van Nasionale Eenheid is ‘n verraad aan die stryd om Suid-Afrika te bevry.

Mpofu was vir drie jaar deel van die ANC en die EFF vir 11 jaar.

Hy het gesê hy glo nie jy moet in die ANC, EFF of MK sterf nie. Maar vir nou verteenwoordig die MK-Party na sy mening ‘n veel breër visie vir dekolonisering en dra die alternatief om te verenig.

Met die vraag oor hoekom hy die EFF verlaat het ten gunste van die MK-party, het Mpofu gesê: “Ons moet die kortste roete neem.”