Die vlakke van die Bloemhofdam en Vaaldam het begin daal, maar die Departement van Water en Sanitasie sê vyf sluise by die Vaaldam bly oop om veiligheid te verseker.

The South African berig watervrystellings by die Bloemhofdam is intussen verminder.

Volgens die departement het die beheerde vrystellings tot oorstromings langs rivieroewers stroomaf gelei.

Mense wat in die 1-in-100-jaar-vloedlyn woon, word steeds aangeraai om uit die gebied te bly.

Die departement monitor die vlakke aanhoudend en sê die oop sluise help om infrastruktuur en lewens teen moontlike gevaar te beskerm.