Daar is bevind slegs die skoolhoof van die Daveyton Skills School in Gauteng moet aanspreeklik gehou word vir die Hennopsrivier-verdrinking van twee leerlinge terwyl hulle ‘n dissiplinekamp bygewoon het. Een seun glo skielik van die groep weggebreek, na die rivier gehardloop, en is die water in.

Die tweede seun het hom waarskynlik probeer red toe hy in die moeilikheid raak. Die voorval het skokgolwe deur die land gestuur, omdat daar skynbaar geen onderwysers saam met die leerlinge was nie. Toestemming vir die uitstappie is glo ook nie van die onderwysdepartement aangevra nie. Die bevinding dat die skoolhoof aanspreeklik gehou moet word vir die sterftes, is die uiteinde van ‘n maande lange ondersoek deur ‘n onafhanklike regsfirma.