Dis hoofsaaklik woongebiede in die suide van Bloemfontein wat sonder water sit, terwyl Vaal Sentraal Water met instandhoudingswerk besig is. Hoewel die verpligte instandhoudingswerk eers vanmiddag sou begin, wend ontstoke inwoners hulle reeds sedert vroegoggend tot sosialemedia.

Pellissier, Bainsvlei, Langenhovenpark, Gardeniapark en Fichardtpark tel onder die woongebiede waar krane tans droog is. Vaal Sentraal Water se instandhoudingswerk sal nog tot Donderdag die watertoevoer na sekere dele van die Mangaung-metro ontwrig.