Die Departement van Basiese Onderwys sal die Wysigingswetsontwerp op Basiese Onderwyswette (Bela) implementeer as dit as wet onderteken word.

President Cyril Ramaphosa sal na verwagting die wysigingswetsontwerp Vrydag onderteken.

LEES MEER: Dreigende regstappe as Ramaphosa die onderwyswetsontwerp onderteken

Sodra dit onderteken is, sal die wetsontwerp skoolbeheerliggame beperk om skooltaalbeleide op te stel, vryhede rondom tuisonderrig beperk, die verbod op alkoholverkope in skole ophef en sal graad-R verpligtend maak vir alle leerlinge.

Dit is ten spyte van teenstand teen die wetsontwerp deur opposisiepartye en burgerlike organisasies.

Die minister van Basiese Onderwys, Siviwe Gwarube, sê dat hulle professionele mense is en dat hulle dit sal implementeer as die wetsontwerp onderteken word.