Die Departement van Basiese Onderwys (DBO) het bevestig dat slegs R220-miljoen van die R3,6-miljard wat aan matriekeindeksamens bestee is, vir drukwerk gebruik is.

Beskuldigings het ontstaan nadat die DBO bevestig het dat slegs een van die nege provinsies hul eksamenvraestelle deur die Staatsdrukker laat druk, terwyl die ander provinsies private drukkers gebruik.

LEES MEER: Drukkoste vir matriekvraestelle styg miljarde

Volgens The Citizen beloop die druk- en verpakkingskoste van vraestelle R220-miljoen.

Die res van die begroting dek onder meer die betaling van onderwysers vir die opstel en nasien van vraestelle, asook kostes vir vervoer, sekuriteit, stoor van vraestelle, en verblyf vir reisende nasieners.