Die Aarde sal binnekort ‘n tweede mini-maan hê, hoewel dit ‘n kort besoek sal wees. USA Today berig die klein asteroïde is vroeg Augustus deur die Asteroid Terrestrial-impact Last Alert System (ATLAS), ‘n NASA-befondsde program, ontdek. Asteroïde 2024 PT5, sal tussen 29 September en 25 November in die Aarde se gravitasietrek vasgevang word. Daarna sal dit die Aarde se wentelbaan ontsnap en na die son getrek word voordat dit sy reise om ons sonnestelsel voortsit. Dit is ongelukkig onwaarskynlik dat ons ‘n blik op die verbygaande mini-maan kan kry terwyl dit die aarde se swaartekrag binnedring.