Die ANC sê dat adjunkpresident Paul Mashatile nie verantwoordelik gehou kan word vir die optrede van sy wagte nie. Een van die adjunkminister se lyfwagte het Maandag in die hof onthul dat die adjunkpresident in die konvooi was toe twee motoriste aangerand is. Agt BBP-beskermingsbeamptes word daarvan aangekla dat hulle die motoriste vroeër in Julie op die N1-hoofweg aangerand het. Die sekretaris-generaal van die ANC, Fikile Mbalula, sê terwyl Mashatile ten tye van die voorval in die konvooi was, kon hy nie geweet het wat gebeur het toe die aanranding plaasgevind het nie.