Die belastingman sien wat jy op openbare platforms doen en gebruik kunsmatige intelligensie om inhoudskeppers, of sogenaamde influencers, op te spoor. Inhoudskeppers, op sosiale media maak groot geld regoor die wêreld, insluitend Suid-Afrika.

Tuis word geprojekteer dat die digitale bemarkingsbedryf R500 miljoen vir 2024 sal oorskry, en in die toekoms sal aanhou groei. Volgens Primedia sien baie plaaslike inhoudskeppers hulself nie as besighede, wat ‘n deel van die inkomste wat gegenereer word, aan die Suid-Afrikaanse Inkomstediens (SAID) moet betaal nie.

Die besturende direkteur van Vantage Advisory, Luncedo Mtwentwe waarsku dat dit van kardinale belang is vir inhoudskeppers om hulself as ‘n besigheid te erken om dus die volle nakoming van belastingregulasies te verseker. Hy voeg by dat SAID kontantbetalings en promosiegeskenke monitor.