Die DA dreig om die sekretaris-generaal van die ANC, Fikile Mbalula, aan te kla indien hy nie al die kaderontplooiingsrekords binne twee dae ontvang nie. Die DA het ook vroeër die week gedreig om na die Konstitusionele Hof te gaan as hy nie die dokumente ontvang nie.

Die ANC het dokumente Maandag aan die opposisieparty oorhandig. Die DA voer aan dat die rekords wat hy ontvang het nie die tydperk insluit toe president Cyril Ramaphosa die voorsitter van die regerende party se ontplooiingskomitee was nie.