Frustrasie heers onder inwoners van die Mangaung-metro weens die metro se versuim om gereelde maandelikse watermeterlesings te doen.

Volgens die DA het die metro nie ‘n diensverskaffer vir maandelikse lesings nie, met die gevolg dat inwoners se waterrekenings op skattings geraam word.

Die DA beveel aan dat inwoners sélf watermeterlesings doen en ‘n foto van die meterlesing per e-pos na meterreadings@mangaung.co.za stuur.