Die Departement van Verdediging het kennis gegee van die ontplooiing van tweeduisend-700 soldate in Suid-Afrika om orde en sekuriteit by Eskom in toom te hou. Die departement het Vrydag die kennisgewing in die staatskoerant gepubliseer en die riglyne en gedragskode uiteengesit vir die soldate wat by die operasie betrokke is. Volgens die departement sal die soldate tot 16 Maart ontplooi word.  President Cyril Ramaphosa sê dat die jongste ontplooiing fokus op die beskerming van Eskom se kragstasies.  Die sleuteldoelwit van die operasie is die voorkoming en bekamping van misdaad en handhawing en behoud van wet en orde.