Die EFF vra vir ‘n ondersoek ná president Cyril Ramaphosa se misbruik van die SABC tot sy party, die ANC, se voordeel. Die president het Suid-Afrikaners Sondagaand voor die verkiesing op die openbare uitsaaier toegespreek.

Volgens die EFF was die president se ongeskeduleerde toespraak ’n poging om steun vir die regerende party te kry. Die EFF hou vol Ramaphosa het sy posisie en staatshulpbronne misbruik en die beginsels van regverdige mededinging en demokrasie ondermyn. Die EFF sê maatreëls moet ook ingestel word om te verseker dat dit nie in die toekoms herhaal word nie. Die DA beplan om die kieshof oor die aangeleentheid te nader.