One South Africa Movement (OSA) en die Vereniging van Onafhanklike Kandidate gaan vandag die grondwetlikheid van die onlangse gewysigde Kieswet dringend in die Konstitusionele Hof betwis. Hulle verteenwoordig onafhanklike kandidate. Die organisasies sê hulle betwis die wetgewing al vir twee jaar lank en het aan die openbare deelnameproses deelgeneem, maar die parlement het hulle insette geïgnoreer. Die nasionale voorsitter van die OSA, doktor Michael Louis, het aan SABC News gesê dit gaan daaroor dat politieke partye meer regte as onafhanklike kandidate het.