Die koronavirus eis nog ‘n slagoffer in Suid-Afrika

Daar is bevestig dat ‘n 74-jarige man van Ladysmith in KwaZulu-Natal die tweede koronavirus-sterfte in Suid-Afrika is.

Die minister van Gesondheid, Zweli Mkhize, sê die man was aan ‘n ventilator gekoppel by ‘n privaat hospitaal.

Hy het ná ‘n besoek aan die Krugerwildtuin saam met sy gesin met griep-simptome teruggekeer.

Mkhize sê die slagoffer is Vrydag met Covid-19 gediagnoseer.

Sy gesin en 14 gesondheidswerkers, insluitend drie spesialiste, wat met hom kontak gehad het, is in kwarantyn en word dopgehou.

Mkhize het ook bevestig dat die aantal Covid-19-gevalle in Suid-Afrika met 93 toegeneem het vandat Saterdag se syfers bekend gemaak is.

Dit beloop nou ‘n 1 280. Gauteng het 584 gevalle – die hoogste provinsiale getal.

Vir meer inligting oor Covid-19 gaan na www.sacoronavirus.co.za

Luister na potgooie hieronder